VOV.Jarai-Kơnong dŏ hơdôm hrơi đôč, rơbêh 35.500 čô čơđai sang hră anih 12 ƀơi tơring čar Dak Lak mut pơplông abih anih 12, pơđut tal hrăm gưl klâo thun 2026. Mơ̆ng hơdôm anih hrăm glăi, pơhrua tơlơi thâo gah rơngiao mông hrăm sit nik ƀu apah prăk ôh truh pơ bruă sem lăng tơlơi thâo, gơnam yua, hơdră pơtô pơhrăm kiăng ngă giong jơlan hơdră pơphun pơplông, rơnuk rơnua kơ anom bruă pơtô hăng pơjuăt ƀơi tơring čar, hlăk pơphun tañ ngă pơgiong djop črăn bruă prăp truh tal rơnuč, anăp nao tal pơplông rơnuk rơnua, tơpă hnơ̆ng hăng gêh găl hloh kơ abih bang ƀing čơđai hơmâo anăn pơplông.

VOV.Jarai-Tơdơi kơ mông jơnum kơplah wah Ding jum man pơdong hăng khua mua tơring čar Gia Lai, Dak Lak, Lâm Đồng kơ akŏ bruă tuh pơ alin man pơkra jơlan rơdêh đuăi hmar Pleiku-Buôn Ma Thuột-Gia Nghĩa, bruă pơjing ară jơlan tơkuh nao rai ƀơi kual Dap kơdư glăk pơhưč tơlơi đing nao biă mă mơng gong gai ƀon lan truh pơ mơnuih ƀôn sang.

VOV.Jarai - Khua git gai Ping gah, Khua mir sir lăi dlăm ƀing kông ñơn yơh khul nao hlâo ngă hơkrŭ Việt Nam, khul pơjing rai gơnam tam laih anun akŏ pơjing phun atur tơlơi bơwih ƀong mơ̆ng lŏn ia.

VOV.Jarai - Tlam tom brơi (4/6), Khua git gai Ping gah, Khua mir sir ơi Tô Lâm git gai mông ngă bruă hăng Khul čih pơkra hơdră djru prong, akŏ phun mơ̆ng Gơnong dlông hăng hơdôm anom bruă bơdjơ̆ nao kơ Kơčăo bruă pơplih phrâo hơbô̆ bruă đĭ kyar lŏn ia kơnang kơ boh thâo ia rơgơi, pơčeh phrâo hăng mă yua boh thâo mrô.

VOV.Jarai - Tom brơi (lơ 4/6), ƀơi sang bruă Kơnuk kơna, Kơ-iăng khua dêh čar ơi Hồ Quốc Dũng git gai jơnum tal sa mơ̆ng Grup mă bruă mơ̆ng Kơnuk kơna kơ đĭ kyar boh thâo ia rơgơi akŏ phun, hăng pok pơhai bruă đĭ kyar boh thâo yom phun tui Tơlơi pơsit mơ̆ng Khua dêh čar kơ bruă jao bruă đĭ kyar boh thâo ia rơgơi yom phun.

VOV.Jarai - Tlam tom brơi (4/6), Ping gah, gong gai hăng mơnuih ƀôn sang djŏp djuai ania tơring čar Dak Lăk pơphun ngă yang jôk atâo, ba pơyua 27 per tơlang tơhan hăng mơnuih kơhnâo dêh čar Việt Nam djai pơ čar Kur, hơmâo Grup tơhan K51 ĕp ƀuh amăng bơyan phang 2025-2026.

VOV.Jarai - Mơguah lơ  4/6, Jơnum min mơnuih ƀôn sang phường Xuân Trường - Đà Lạt, tơring čar Lâm Đồng pơphun ngă bruă “Bơyan pơdơi prong mrô” thun 2026 hăng anăn “Bruă mă bơyan pơdơi prong mrô hăng VNeID, pơtô brơi mơnuih ƀôn sang yua boh thâo mrô, gum hrŏm hăng mơnuih ƀôn sang ngă Kơčăo bruă 06”.

 VOV.Jarai-Mơ̆ng lơ 4 truh lơ 6/6, Kơ-iăng khua dêh čar ơi Phạm Gia Túc ba jơlan hlâo grup khua mua kơnuk kơna Việt Nam nao čuă dêh čar Nga hăng jơnum hrŏm bơwih ƀong huă jar kmar Saint Petersburg tal 29.

VOV.Jarai-Amăng dua hrơi lơ 3 hăng lơ 4/6, Gơnong bruă Pơtô hăng pơjuăt tơring čar Dak Lak pơphun pơtô brơi tơlơi thâo kơ ƀing khua mua gưl să, phường; khua mua, mơnuih apăn bruă wai lăng hăng nai pơtô djă pioh mrô čih pioh gah bruă pơtô hrăm gưl dua.

VOV.Jarai-Khua dêh čar ơi Lê Minh Hưng phrâo tŭ jum Khua ding jum pơtom hiăp dêh čar Angola, ơi Téte António ƀrô tal rai čuă sit nik Việt Nam.