Ƀơi mông bưp, Khua ping gah, Khua mir sir pơsit Việt Nam lăng yom tơlơi rô nao rai hăng ASEAN, lăng ASEAN jing sang anŏ pô, jê̆ giăm biă mă. Bơni biă kơ hơdôm bruă hơmâo ngă mơ̆ng ASEAN hrơi blan rơgao, Khua ping gah, Khua mir sir đăo kơnang hơdôm boh dêh čar ding kơna amra gum pơgôp kjăp, pơtrut tui tơlơi gơgrong bruă, akŏ pơjing Khul ASEAN 2045 truh kih.

Laih dong lăi dlăm, amăng hrơi blan rŏng lŏn glăk pơplih tañ, ƀu hmao thâo ôh, hơdôm boh dêh čar ASEAN kiăng đăo kơnang kơđi čar, pơđĭ tui tơlơi gơgrong pô, pok prong ngă hrŏm bơwih ƀong, mơdrô, tuh pơ alin, ngă añip tui anŏ pleh ploh, phara tơlơi đĭ kyar mơ̆ng hơdôm boh dêh čar ding kơna. Ƀing khua anih jưh pơ ala mơ̆ng ASEAN pơsit amra tŏ tui ngă hrŏm kjăp hăng Việt Nam, gum akŏ pơdong Khul ASEAN gum pơgôp, rơgơi mơbruă, pơčeh phrâo hăng lăng ană mơnuih yơh akŏ phun./.