Amăng mông jơnum, Khua dêh čar ơi Lê Minh Hưng brơi thâo, amăng hrơi blan rŏng lŏn tơnah hơmâo lu tơlơi pơplih, gơnong bruă pơtom hiăp hơmâo gum hrŏm kjăp hăng hơdôm anom bruă bơdjơ̆ wai pơgang rơnuk rơnua, hơđong kơđi čar hăng hơđong amăng mơnuih mơnam. Bruă pơtom hiăp gêh gal amăng lăm wŏt hăng gah rơngiao, anai lĕ tơlơi dưi bơkơtưn yôm phăn mơng Việt Nam pơhmu hăng hơdôm boh dêh čar pơkŏn, ngă atur phun brơi kơ bruă pơđĭ kyar lŏn ia.

Pơ anăp anai, Khua dêh čar ơi Lê Minh Hưng rơkâo gơnong bruă pơtom hiăp pơplih anŏ kơdrưh ang jar kmar jing ngăn rơnoh pơđĭ kyar lŏn ia. Khua dêh čar ơi Lê Minh Hưng rơkâo gơnong bruă pơtom hiăp kiăng gir run ƀiă dong amăng pơplih tơlơi pơmĭn, hơdră ngă bruă; kiăo tui lăng tơlơi sit nik, đăo lăng hlâo, hơmâo tơlơi pơgôp amăng hơdôm bruă jao, hơdră pơsir tong ten kiăng pơphô bruă brơi Ping gah, gong gai hăng Kơnuk kơna.