Ƀơi mông jơnum Kơnuk kơna tui tơđar kơ bruă dăp glăi plơi pla, ƀôn ƀut đơ đam dêh čar, Kơ-iăng khua ding jum bruă čar yă Nguyễn Thị Hà brơi thâo, 34/34 boh tơring čar, ƀôn prong hơmâo dăp glăi giong laih plơi pla, ƀôn ƀut tui hăng tơlơi kiăng mơ̆ng Ding jum kơđi čar hăng Kơnuk kơna. Tơdơi kơ dăp glăi, mrô plơi pla, ƀôn ƀut amăng đơ đam čar ta hrŏ trun mơ̆ng 89.589 dŏ glăi 48.078 (jing hrŏ trun 41.511 boh plơi pla, dưm dưm hăng 46,33%).

Tui hăng Kơ-iăng khua ding jum bruă čar, bruă dăp glăi plơi pla, ƀôn ƀut ƀu kơnong ngă hơbôt anom bruă kơnuk kơna đôč ôh ăt pơđĭ tui anŏ wai lăng, mrô plơi pla, ƀôn ƀut djơ̆ tui hơnong pơkă hơmâo pơđĭ tui, huăi hơmâo dong tah plơi pla anet, raih daih; laih dong ăt pơhlom hơđong djŏp plơi pla hơmâo anŏ phara hmư̆ hing gah gru grua, djuai ania, tơlơi đăo, ngă yang, pơgang lŏn ia, rơnuk rơnua hăng anih anom kual lŏn.