Ƀing khua pơ ala sem lăng, pơsit brơi 15 tơlơi phiăn, 4 tơlơi pơtrun pơkôl pơkă gah tơlơi phiăn; pơgôp hiăp hăng 7 tơlơi phiăn, sem lăng, pơsit ruah khua mua hăng pơsit 6 mơta bruă yom phun kơ bơwih ƀong huă - mơnuih mơnam, tuh pơ alin. Anai jing bruă prong biă mă, amăng anun hơmâo lu tơlơi bơdjơ̆ nao mơnuih ƀôn sang, anom bruă mơdrô, bruă mă mơ̆ng sang bruă kơnuk kơna laih anun đĭ kyar bơwih ƀong huă - mơnuih mơnam.

Ƀơi mông jơnum, Khua pơ ala čih pơkra giong hơdră pơklaih brơi anŏ kơđông, ngă hruaih tơlơi hơmâo, pơtrut đĭ kyar. Lu tơlơi phiăn hơmâo sem lăng bơdjơ̆ nao anih tuh pơ alin, sĭ mơdrô, laih anun dưi bơkơtưn mơ̆ng bruă bơwih ƀong; lăp djơ̆ hăng tơlơi kiăng pơplih phrâo anom bruă kơnuk kơna, gong gai 2 gưl, pơtrut kah pơpha gưl ngă bruă, jao bruă git gai hăng pơđĭ tui anŏ tŭ yua wai lăng kơnuk kơna; čih pơgiong tơlơi phiăn pơtrut ba yua boh thâo ia rơgơi, tơlơi pơčeh phrâo, hăng boh thâo mrô./.