Sit biă ñu, kiăng pơplôm hơdră bruă, tơlơi phiăn kiăo tui djơ̆ tơlơi sit nik, ba jơlan hlâo pok brơi jơlan pơđĭ kyar, lăng ană mơnuih hăng anom bơwih ƀong sĭ mơdrô ngă phun, lăng bruă ngă klă, ba glăi tŭ yua lơm mă yua hơdôm tơlơi phiăn ngă tơlơi pơkă brơi bruă mă yua tơlơi phiăn. Khua git gai pơ ala mơnuih ƀôn sang dêh čar lăi pơtong, jơnum pơdah tơlơi gir run mơng Ƀirô Khua pơ ala mơnuih ƀon sang, Kơnuk kơna hăng hơdôm anom bruă amăng bruă hmao tlôn hơmâo tơhnal pơkă brơi hơdôm tơlơi črâo trun mơng Ping gah, lăp djơ̆ tơlơi rơkâo pơđĭ kyar lŏn ia, anăm brơi ngă kaih, rơgao hĭ tơlơi gal.

Khua git gai pơ ala mơnuih ƀôn sang dêh čar rơkâo ƀing khua mua kơsem min tong ten hră pơ-ar, pơčrông sai, pơgôp hiăp amăng hơdôm boh tơhnal dŏ hơmâo tơlơi pơmĭn phara, sit biă ñu hơdôm bruă bơdjơ̆ nao mơnuih ƀôn sang hăng anom bơwih ƀong sĭ mơdrô; laih dong rơkâo rĭm črăn tơlơi phiăn, tơlơi pơtrun kiăng prap lui tong ten, sem lăng djop mơta tơlơi bơdjơ̆ nao hăng jak iâu ƀing kơhnâo kơhnăk, ƀing bơwih ƀong sĭ mơdrô pơgôp tơlơi thâo thăi kiăng hrưn đĭ klă amăng čih pơkra tơlơi phiăn.