Pơtong glăi boh tơhnal ngă tui 7 blan laih rơgao, Khua dêh čar pơtrun hiăp abih bang ding kơna amăng kơnuk kơna lăng nao tơlơi hơmâo sit nik hăng boh yom phun mơ̆ng Ding jum prăk kăk, anom bruă kơnuk kơna lăi pơthâo, pioh pơtong rơđah boh tơhnal dưi ngă laih. Sa amăng hơdôm boh yom phun prong hloh dưi hơmâo Khua dêh čar git gai ƀơi mông jơnum, ngă pơgiong tơlơi phiăn pơtrun hăng pok pơhai ngă tui djop hră pơtrun yom hơmâo pơsit laih.

Tui hăng anun, pơtrut tañ ngă pơgiong hơdôm pok hră tơlơi phiăn hlăk čih pơkra či pơgiong, hră pơtrun pioh pơdah thâo khua mua pơ ala mơnuih ƀôn sang sem glăi; ngă tañ hmar hloh čih pơkra hră pơtô ba ngă tui tơlơi phiăn pơkă hơmâo pơsit ngă tui laih samơ̆ aka dŏ kaih pok pơhai. Kơ bruă pok pơhai ngă tui Hră pơtrun 57 mơ̆ng Ding jum kơđi čar kơ pơblih pơčeh phrâo ia rơgơi mrô, Khua dêh čar lăi lĕ, tơdơi kơ Khul khua mua git gai mơ̆ng Gơnong dlông hơmâo ngă kơjăp dăp hơdră hơđong abih bang sang bruă, anom bruă, ding jum gah kơnuk kơna wai lăng, kiăng prăp lui pok pơhai djop bruă či ngă. Amăng anun, bruă phun lĕ ngă rơđah tui amăng Không pơkă kơ tơlơi thâo amăng bruă mă kơ abih bang yua mrô dêh čar, ngă giong pơmut mrô rơnoh djă pioh gưl dêh čar hăng mrô rơnoh bơwih brơi kơ bruă mă sa hnơ̆ng, pơđĭ kyar boh thâo ia rơgơi phrâo hăng gơnam yua mơ̆ng boh thâo ia rơgơi yom hloh.