Nao jơnum hơmâo rơbêh 150 čô khua jing pô wai lăng, mơnuih kơhnâo, apăn boh thâo ia rơgơi; khua pơ ala mơ̆ng lu sang hră gưl prong, sang bruă kơsem min, anom bruă mơdrô, ƀut ngă ƀong hrŏm amăng hăng gah rơngiao tơring čar. Tơlơi ba pơčrông lăng ƀơi mông jơnum brơi ƀuh, bruă ngă hrŏm kjăp plah wah Kơnuk kơna - Sang hră - Anom bruă mơdrô jing bruă kiăng biă mă, hnun kah Lâm Đồng mơ̆ng dưi pơtrut tui boh thâo ia rơgơi, pơčeh phrâo ia rơgơi. Tơlơi anai tơbiă mơ̆ng tơlơi kiăng sit nik; kơsem min boh thâo aka ƀu djơ̆ đơi hăng tơlơi kiăng pơkra gơnam, sĭ mơdrô; bruă kơsem min boh thâo aka ƀu jao glăi tŭ yua, lơ̆m anun anom bruă mơdrô tơnap biă mơ̆ng hơmâo boh thâo hăng mơnuih rơgơi kơhnâo či mă bruă.

Ơi Nguyễn Ngọc Phúc, Kơ-iăng khua jơnum min mơnuih ƀôn sang tơring čar Lâm Đồng lăi, amăng bruă ngă hrŏm anom bruă mơdrô pô bơtơbiă tơlơi kiăng pơsir, sang hră hăng ƀing kơhnâo pô pơsir, Kơnuk kơna hơmâo tơlơi djru, pơtruh djŏp tơlơi gêh găl, djru ba prăk kăk hăng pơtrut mă yua boh thâo, sĭ mơdrô boh thâo hơmâo pơkra rai./.