Tui hăng anăp či ngă, thun 2026, Gia Lai čih anăn phrâo akŏ pơdong phường mơ̆ng hơdôm să Phù Mỹ, Tây Sơn, Tuy Phước, Chư Sê hăng An Nhơn Tây. Thun 2028, amra pok pơhai pơblih anăn hơdôm să jing phường An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông hăng Bình Khê.

Truh thun 2030, tơring čar Gia Lai amra čih anăn akŏ pơdong phường mơ̆ng hơdôm să Đề Gi, Chư Prong hăng Bình Dương. Bruă čih anăn akŏ pơdong phường phrâo ăt tơki nao tơlơi phiăn hơmâo pơkă gong gai plơi pla dêh čar pơsit thun 2025, djop hră pơtrun mơ̆ng Jơnum min apăn bruă phun pơ ala mơnuih ƀôn sang dêh čar kơ bruă kah pơpha jŭ yap plơi prong, ƀôn prong brơi djơ̆ găl tui hăng hră pơčrâo ba mơ̆ng kơnuk kơna, Ding jum bruă čar. Tơhnal pơkă mơ̆ng akŏ bruă anai čih anăn akŏ pơdong djơ̆ akŏ klôn, pơhlom anet prong, tơlơi dưi, anŏ găl hăng ling pơkă tơring čar Gia Lai, jơlan hơdră pơđĭ kyar plơi prong hăng anăp pơđĭ kyar bơwih ƀong huă mơnuih mơnam amăng tơring čar.