Amăng 5 thun rơgao, bruă mơnuih ngă hmua pơplông bơwih ƀong, sĭ mơdrô rơgơi, gum pơgôp djru tơdruă ngă pơdrong sah hăng pơhrŏ trun ƀun rin hơđong kjăp ƀơi Dak Lak hăng pơhưč rơbêh 1,19 klăk boh sang anŏ čih anăn mut hrŏm; rĭm thun hơmâo giăm 239 rơbâo boh sang anŏ tŭ yap sang anŏ bơwih ƀong, sĭ mơdrô rơgơi.

Amăng mông jơnum, lu mơnuih pơlăi nao rai tơlơi găn rơgao sit nik amăng pơđĭ kyar bơwih ƀong huă, ngă hmua, yôm hloh lĕ hơdôm hơbô̆ bruă bơwih ƀong, sĭ mơdrô rơgơi; pơsur mơnuih ƀôn sang pơyơr lŏn pok prong jơlan glông amăng plơi pla; pơplih mrô amăng ngă hmua, pơđĭ kyar kual pla sầu riêng tui hơnong pơkă VietGAP pơlir hăng bruă pơjing mrô kual pla djru sĭ mơdrô pơ tač rơngiao. Anai arăng lăng lĕ hơbô̆ bruă amuñ pok prong amăng rơwang pơ anăp.