Kơnôl 4/8, amăng jơnum ƀu tui tơđar lok sa, Khua pơ ala mơnuih ƀon sang dêh čar tal XVI, lơm pơčrông sai ƀơi grup kơ črăn tơlơi phiăn lăi pơthâo mă yua, pơtô pơblang tơlơi phiăn (čih pơkra glăi) Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, bruă čih pơkra tơlơi phiăn ƀu djơ̆ dŏ glăi ƀơi bruă pơplih tơlơi pơkă ƀudah pơhrua bruă jao brơi hơdôm anom bruă đôč ôh mơ̆ kiăng pơplih sit nik, pơjing gru grua lăng yôm tơlơi phiăn amăng mơnuih mơnam. Ñu brơi thâo bruă lăi pơthâo, pơtô pơblang tơlơi phiăn hrơi blan rơgao ngă brơi ƀuh ƀơi anăp đôč, aka ƀu lăp djơ̆ tơlơi rơkâo sit nik. Khua git gai pơ ala mơnuih ƀôn sang dêh čar rơkâo kiăng pơplih tơlơi pơmĭn mơng lăi pơthâo hơdai nao djru brơi mơnuih ƀôn sang thâo tơlơi dưi djơ̆ tơlơi phiăn mơng ƀing gơñu.

Khua git gai pơ ala mơnuih ƀôn sang dêh čar rơkâo pơkă tong ten hrơi mông djru bruă djơ̆ tơlơi phiăn hăng lăi pơthâo, pơblang brơi tơlơi phiăn rĭm thun hăng ƀing mơnuih phai kơđi. Laih dong, kơsem min pơjing anih mă yua amăng internet kiăng lăi pơthâo, pơtô pơblang tơlơi phiăn, ĕp lăng mơnuih tŭ mă, thâo hluh hăng ngă tui tơlơi phiăn mơng mơnuih ƀôn sang amăng plang internet, pơgôp ba tơlơi phiăn mut amăng tơlơi hơdip mơda.