Jơnum đing nao pơčrông sai hơdôm hơdră bruă tŏ tui tơlơi gơgrong mơng bruă pơtom hiăp Ping gah, hrưn đĭ tŭ yua bruă pơtom hiăp mơng mơnuih ƀôn sang, kơtưn gum hrŏm kơplah wah tlâo bruă phun hơmâo pơtom hiăp Ping gah, pơtom hiăp Kơnuk kơna hăng pơtom hiăp mơnuih ƀôn sang, laih dong tŏ tui tơlơi gơgrong mơng hơdôm anom bruă pơ ala dêh čar Việt Nam pơ tač rơngiao. Đĭ pơhiăp git gai, ơi Trần Cẩm Tú rơkâo djop ding jum, gơnong bruă, gong gai hăng hơdôm khul grup kơđi čar-mơnuih mơnam tŏ tui hrưn đĭ tơlơi pơmĭn kơ bruă mă, tơlơi glăm ba mơng rĭm bơnah atur phun pơtom hiăp, pơhlôm pok pơhai ha amăng plĕ, lăp djơ̆ kiăng djru brơi klă hơdôm hơnong pơkă yôm phun amăng dêh čar.

Ñu ăt lăi pơtong bruă jao hơkrŭ, ngă dơlăm tui tơlơi rô nao rai hăng djop Ping gah, sit biă ñu lĕ hơdôm Ping gah apăn akŏ ƀơi hơdôm boh dêh čar ha guai, hơdôm boh dêh čar pơprong hăng hơdôm bơnah ngă hrŏm hơmâo akŏ pơjing amăng tơlơi rô nao rai, laih dong tŏ tui pơplih phrâo, pok pơhai klă hơdôm tơhnal pơkă amăng glông pơlăi nao rai amăng Ping gah.