Amăng mông bưp, Khua git gai Ping gah, Khua mir sir ơi Tô Lâm lăi pơtong bruă ngă hrŏm ling tơhan tŏ tui lĕ atur phun, pơgôp ba tơlơi rô nao rai dua boh dêh čar jai dơlăm tui, sit nik, pơgôp wai pơgang rơnuk rơnua hăng pơđĭ kyar amăng kual hăng rŏng lŏn tơnah. Khua git gai Ping gah, Khua mir sir ơi Tô Lâm pơsit tong Việt Nam lăng dêh čar Mi lĕ sa amăng hơdôm bơnah ngă hrŏm yôm phăn, prong hloh, čang rơmang hrŏm hăng dêh čar Mi tŏ tui pok pơhai tŭ yua hơdôm bruă ngă hrŏm yôm phăn djop mơta, yua kơ tơlơi dưi mơng mơnuih ƀôn sang dua bơnah.

Khua tơhan Paparo bơtŭ ư hăng hơdôm tơlơi rơkâo tong ten mơng Khua git gai Ping gah, Khua mir sir ơi Tô Lâm kơ hơdôm hơdră pơtrut ba tơlơi rô nao rai dua bơnah hrưn đĭ prong tui, laih dong ƀuăn Anom bruă git gai tơhan Thái Bình Dương amra tŏ tui gum hrŏm kjăp phik hăng Việt Nam kiăng pok pơhai tŭ yua hơdôm jơlan hơdră djru khăp pap, djru brơi mơnuih bưp tơlơi truh sat, boh thâo ngă tui tơlơi phiăn amăng kual ia rơsĭ.