VOV.Jarai-Tlam lơ 21/5, ƀơi sang bruă ping gah dêh čar, Khua git gai ping gah, Khua mir sir ơi Tô Lâm git gai jơnum, mă bruă hăng Khul khua mua hăng jơlan hơdră yom mơ̆ng ping gah dêh čar hăng hơdôm ding jum anom bruă ƀơi gơnong dlông kơ anăp pơđĭ kyar bruă tuh tia pơkra ming gơnam yua man pơdong ƀơi Việt Nam.

VOV.Jarai-Tlam lơ 21/5, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum hăng Khul djru bruă jơnum min tơlơi phiăn hăng phiah phiăn.

VOV.Jarai-Ƀơi tơring čar Gia Lai, Khul tơhan hơđăp Việt Nam phrâo pơphun mông bưp ƀing ba gru amăng bruă hrăm hăng ngă tui tơlơi pơmĭn, kơnuih, gru hơdip mơng Hồ Chí Minh rơwang thun 2016-2026. Jơlan hơdră anai kiăng pơpŭ ƀing tơhan hơđăp ba jơlan hlâo amăng pơđĭ kyar bơwih ƀong huă, djru brơi mơnuih ƀôn sang pơklaih mơng ƀun rin, tŏ tui pran khăp pap ƀing gŏp hăng ngă lar hyu gru hơdip hiam mơng tơhan rơnuk wa Hô hăng hơdôm bruă mă rĭm hrơi, sit nik amăng tơlơi hơdip mơda.

VOV.Jarai-Jing kual lŏn lăng anih phun mơ̆ng Dap Kơdư, tơring čar Dak Lak hơmâo anih dŏ phara yom biă mă amăng bruă kơđi čar, pơgang lŏn ia, rơnuk rơnua hơđong. Anai ăt jing anih ƀing ayăt roh juăt hneč mă kơ tơlơi djuai ania, tơlơi đăo pioh pơčut pơčao, kah ania pơpha djuai khul grup gum pơgôp djop djuai ania. Khă hnun, sit nik biă mă ñu amăng djop plơi pla ră anai brơi ƀuh, tơlơi hơdip mơda mơnuih ƀôn sang đĭ tui laih, tơlơi bơwih ƀong huă jai hrơi hơđong hloh, tơlơi đăo kơnang nao kơ Ping gah, Kơnuk kơna ăt kơjăp hloh, ngă atur yom amăng bruă wai pơgang hơđong kơđi čar mơ̆ng plơi pla.

VOV.Jarai-Lơ 21/5, Khua git gai ping gah, Khua mir sir ơi Tô Lâm git gai jơnum khul khua mua pơčrâo bruă mơ̆ng Gơnong dlông kơ bruă pơđĭ kyar boh thâo ia rơgơi, pơblih pơčeh phrâo hăng pơblih yua mrô.

VOV. Jarai. Ƀơi anăp kơ tơlơi hơmâo lu să, phường hăng anih gong gai phara rơnoh prăk mă yua pioh tuh pơ alin kơ bruă čả dŏ ƀiă đơi, jơnum min mơnuih ƀôn sang tơring čar Lâm Đồng pơtrun hiăp djop plơi pla pơtrut hmar, gir run kiăng truh lơ 30/6 boh ƀiă khom ngă djop 40% rơnoh prăk jao.

VOV.Jarai-Amăng tơlơi pơtrun mrô 2216 lơ 19/5/2026, Jơnum min mơnuih ƀon sang tơring čar Lâm Đồng tŭ yap bruă jao dưm dăp hrŏm, să Đức Trọng jing anih anom ngă bruă phun-anih ngă bruă kơđi čar phrâo amăng tơring čar.

VOV.Jarai-Ƀơi anom bruă git gai tơhan kual 5, Trung tướng Lê Ngọc Hải, Khua tơhan kual 5 git gai jơnum hmư̆ hơdôm anom bruă lăi pơthâo boh than hơduah ĕp tơlơi rơkâo kiăng djru brơi hăng bruă pok pơhai man pơdong sang hră kơnuk kơna čem rông ba pơlir gưl I hăng gưl II ƀơi hơdôm boh să giăm guai amăng kual Tong krah-Dap kơdư.

VOV.Jarai-Tlam lơ 20/5, ƀơi sang bruă kơnuk kơna, Khua dêh čar ơi Lê Minh Hưng tŭ jum ơi Ri Sung Guk, Khua anih jưh pơ ala Triều Tiên ƀơi Việt Nam.

VOV.Jarai-Mơguah tom brơi (20/5) ƀơi Ƀirô Ping gah, Khua git gai Ping gah, Khua mir sir ơi Tô Lâm git gai mông mă bruă hăng hơdôm anom bruă bơdjơ̆ nao kiăng lăng glăi hơdôm ngăn rơnoh djru brơi bruă pơđĭ kyar lŏn ia pơ anăp anai.