Ƀơi mông tŭ jum, ơi Trần Cẩm Tú lăi pơtong Việt Nam ngă tui sa hnơ̆ng lăng kơ Japan jing sa boh dêh čar, bơnah ngă hrŏm yom mrô sa hăng sui thun kơ Việt Nam, dong yua na nao kơ dêh čar Japan pơđĭ kyar amăng kual hăng djru hur har hloh amăng bruă pơgang tơlơi rơnuk rơnua, hơđong, ngă hrŏm tong ten amăng kual laih anun ƀơi rŏng lŏn tơnah.

Dua bơnah tŭ ư ngă hrŏm kơjăp pok pơhai hơdôm pok hră pơkôl mơ̆ng khua mua dua bơnah, amăng anun hơmâo bruă kơtưn lir hơbit bơwih ƀong huă hăng pơhlom hơđong tơlơi bơwih ƀong huă, ngă hrŏm kơsem min ia rơgơi tơlơi kơhnâo phrâo, pơtrut ngă hrŏm lu kơčăo bruă phrâo pơblih yua mrô, pơblih ngă bruă mơtah mơda, pơčeh phrâo ia rơgơi, kơsem min boh thâo phrâo, pơkra gơnam hrĕ añĕ pơkĕ apui amăng măi mok.