Kơčăo bruă anai dưi čang rơmang djru akŏ pơjing ruăi tuh tia pơkra ming, pơđĭ tui bruă pơkra ming amăng dêh čar ta pô pong pơkra ƀattô. Kơčăo bruă anai yua kơ sang bruă mơdrô hơmâo prăk mơ̆ng dêh čar Hàn Quốc soh tuh pơ alin, rơnoh prăk rơbêh 528 klai prăk, ƀơi đơ đam lŏn pơdong sang măi 12 hektar, rơnoh mă bruă tui anŏ pơkă hlâo 30.000 tơn gơna  dưi pơkra ming sa thun.

Tui hăng akŏ bruă, kơčăo bruă anai amra ngă giong črăn I amăng klâo blan tal I thun 2027, ba yua sit nik mă bruă amăng klâo blan tal II thun 2027 laih anun giong abih bang mơtam klâo blan tal III thun 2027. Laih mă bruă sit nik, sang măi anai pơsir brơi bruă mă kơ 300 čô mơnuih mă bruă hơđong, giong anun pơđĭ tui truh 500 čô mơnuih mă bruă; djru hrŏm pơčruh prăk duh jia rim thun mơ̆ng 10-12 klai prăk amăng ngăn drap kơnuk kơna tơring čar.