Ră anai, abih bang tơlang tơleh hơmâo mă anun, ba glăi pơ Pơsat gong kut dor tơhan pơsăn drơi Bình Thuận, pioh jao kơ kual plơi pla, prăp lui h’ŭ, dor glăi djơ̆ tơlơi phiăn pơkă, ngă yang atâo. Hrŏm hăng anun, anom bruă kơnuk kơna hơmâo tơlơi thâo pơphun brơi mă čơđeh meh tơlang, čih pioh pơdưm amăng ia rơgơi mrô tơlơi pơhing hăng pơsit anăn. Bruă ngă anai, kiăng pơphun pơčrang AND tañ, thâo krăn pô tơhan djai pơsăn drơi hlâo kơ anun aka ƀu thâo anăn.

Tui hăng khua mua sang bruă tơhan tơring čar Lâm Đồng, tal kuai mă pơƀut tơlang anai, yua hơmâo pơtong glăi tong ten, rơđah rơđong laih. Giong tŭ mă, rơkâo khul mơnuih rơgơi, kơhnâo kơhnăk sem lăng pơtong rơđah, pơsit jơlan hơdră djru ba ƀơi să Hòa Thắng, anom bruă jao brơi ngă bruă hăng sang anŏ, kơnung djuai pô djai pơsăn drơi, kiăng pơčrang rơđah, pơhno drah kơtăk thâo krăn sang anŏ hăng djơ̆ ten anih rŭ mă tơlang tơhan djai pơsăn drơi jăn yua kơ lŏn ia.