Tal rai čuă jơmư anai mơ̆ng khua pơ ala mơnuih ƀôn sang dêh čar Kur, yă Samdech Khuon Sudary pơtong rơđah, lăng kơ bruă ngă kơjăp tui tơlơi đăo kơnang kơđi čar hăng pơtrut bruă ngă hrŏm hlom bom dua bơnah dêh čar.

Tal rai čuă jơmư anai, pơtrut bruă ngă hrŏm dua bơnah sang bruă khua pơ ala mơnuih ƀôn sang dêh čar, kiăng thâo hluh nao rai tơdruă tong ten hloh, kah pơpha tơlơi thâo thăi amăng bruă mă čih pơkra tơlơi phiăn. Anai lĕ mông gêh găl pioh kơ dua bơnah ăt jŭ yap glăi boh tơhnal amăng djop bruă mă, boh nik ñu bruă pơtom hiăp gah anom bruă pơ ala mơnuih ƀôn sang dêh čar kiăng anăp nao ba tơlơi ngă giăng mah Việt Nam hăng Kur đĭ nao amăng bruă mă phrâo, jai hrơi tong ten, tŭ yua hloh.