Kơčăo bruă anai pơdong plơi phrâo ƀơi să Ia Tul hăng rơnoh prăk tuh pơ alin 200 klai prăk, yua Anom bruă wai lăng djop kơčăo bruă tuh pơ alin man pơdong tơring čar Gia Lai tuh pơ alin.

Kơčăo bruă čuk pơkra ƀơi anih 22 ha, pơdong plơi phrâo, čuk jơlan, pơdong sang hră, sang rung plơi, đing ia pơđoh ba ia yua hăng dăng hrĕ apui djop brơi rim sang anŏ pơkĕ yua, hơmâo apui bơngač pil pơ-iă yang hrơi hăng khuer 3 boh ia bơmun wơi kơ plơi phrâo či mă yua. Ơi Phạm Văn Đức, Khua Jơnum min mơnuih ƀôn sang să Ia Tul, tơring čar Gia Lai brơi thâo, kơčăo bruă pơdŭ đuăi 207 boh sang anŏ mơnuih ƀôn sang ƀôn Jư̆, kual rim thun hơmâo na nao ia ling ngă, lŏn tơhlŏm truh, pơhŭi kơ tơlơi hơdip mơda, kông ngăn mơnuih ƀôn sang amăng hơjan hlim.