Gơnam pơkra ming ñôm tơlô̆ anŏ hiam eh pơsơi along truh 99,71%; pơpha črăn mă bruă tal 1 mơ̆ng sang măi jua kơtang 150.000 tơn sa thun hăng pơđĭ tui lu hloh truh 300.000 tơn sa thun amăng rơnuč thun anai, hlâo kơ pơkra ming truh rơnoh 450.000  tơn rim thun dơ̆ng mơ̆ng klâo blan tal I thun 2027.

Pơhiăp ƀơi mông jơnum, Khua tơhan krên dêh ơi Phan Văn Giang, Kơ-iăng khua dêh čar, Khua ding jum ling tơhan lăi pơtong, bruă pơkra ming pơjing rai eh pơsơi jing ñôm tơlô̆ pioh ba hyu sĭ mơdrô mơ̆ng Việt Nam pô pơjing lĕ, sa bruă ngă lăp djă pioh, čih glăi gru phun kơ dêh čar Việt Nam, ngă tui djơ̆ jơlan hơdră mơ̆ng ping gah hăng kơnuk kơna, brơi pơđĭ kyar pơkra ming gơnam tam sĭ mơdrô mă amăng gŭ lŏn. Ơi Phan văn Giang rơkâo djop ding jum, anom bruă ngă giong tơlơi pơkă, bruă pơtrun, djơ̆ hăng tơlơi phiăn tuh pơkra rai eh pơsơi ñôm; tơring čar Lâm Đồng khom pơtrut čuk pơkra jơlan glông, dăng hrĕ apui yua, pơčrâo brơi logistics hăng jak iâu lu kơčăo bruă tuh pơ alin kơ bruă pơkra ming gơnam sĭ mơdrô mơ̆ng ñôm.