VOV4.Jarai-Mơmŏt lơ 28/2, ƀơi Anom bruă pơtom hiăp dêh čar, ơi Lê Hoài Trung, Ding kơna Ping gah dêh čar, Khua anom bruă pơtom hiăp dêh čar, hơmâo mông pơhiăp telephôn hăng ơi Ê-mi-li-ô Lô-xa-đa Ga-rơ-xi-a, Khua anom bruă pơtom hiăp Ping gah Cộng sản Cuba.

VOV4.Jarai- Mơmŏt (28/2) ƀơi Sang ngui adôh suang plơi prong jưh jom Hà Nội, Jơlan hơdră ngui adôh suang yôm phăn pioh hơdor glăi 80 thun ba tơbiă črăn hră gru grua Việt Nam pơphun hơmâo Khua dêh čar ơi Phạm Minh Chính hrŏm hăng ƀing khua mua, hơmâo khua mua Ping gah, Kơnuk kơna, Jơnum min djop djuai ania mơnuih mơnam Việt Nam hơđăp dong.

VOV4.Jarai-Pơhmu hăng hơdôm boh tơring čar ƀơi kual Dap kơdư, Kon Tum ƀu hơmâo lu tơlơi gal kiăng pơhưč tuh pơ alin, samơ̆ yua kơ ngă tui ha amăng plĕ hơdôm hơdră bruă, tơdơi kơ rơbêh 2 thun pok pơhai ngă tui tơlơi pơtrun tal XVI jơnum Ping gah tơring čar, Kon Tum hơmâo pơhưč 68 akŏ bruă hăng abih tih rơbêh 18.000 klai prăk.

VOV4.Jarai – Khua mir sir jăng jai dêh čar yă Võ Thị Ánh Xuân nao čuă hăng mă bruă ƀơi Sang hră pơtô bruă pơgang guai lon ia – Anom pơtô juăt, pơtô brơi dong kơ mơnuih mă bruă hăng kơsem min bôh thâo phrâo mơng khul Ling tơhan pơgang guai dêh čar ƀơi plơi prong Sơn Tây, Hà Nội.

VOV4.Jarai – Mơguah lơ 28/2, ƀơi tơring kual Sa Thầy, tơring glông Sa Thầy, Grŭp apăn bruă Khul hlăk ai tơring čar Kontum pơphun ngă Lơphet pok phun Blan Hlăk ai thun 2023 nao hrom hăng klah čun Jơlan hơdră Gum djru bơyan puih 2022 hăng Bơyan bơnga gum djru 2023 hăng tơlơi gum hrom mơng rơbêh kơ 500 mơnuih gah khul hlăk ai, tơdăm dra.

VOV4.Jarai- Khua git gai pơ ala mơnuih ƀôn sang dêh čar ơi Vương Đình Huệ nao čuă, bơni hơ-ơč kơ ƀing nai tha prin, nai prin tha, ơi ia jrao, nai ia jrao hrom hăng abih bang ƀing ngă bruă, ling tơhan dŏ mă bruă ƀơi sang ia jrao prong gah ling tơhan 108.

VOV4.Jarai-Việt Nam ăt ngă gêh găl gum hrom tong ten hăng hơdôm bơnah gah dêh čar Mi pioh ngă hrom dua bơnah ba glăi boh tŭ yua hloh hăng djơ̆ tơhnal pơtrun.

VOV4.Jarai – Rơwang bruă jơlan đuăi hmar Khánh Hòa – Buôn Ma Thuột hmâo abih bang rơwang ataih giăm truh 118 km, găn nao 4 bôh tơring glông lĕ Krông Pač, Krông Bông, Ea Kar hăng Mdrak gah tơring čar Daklak hăng plơi prong Ninh Hòa mơng tơring čar Khánh Hòa. Abih bang prăk mă yua lĕ giăm truh 22.000 klai prăk.

VOV4.Jarai-Tom brơi, lơ 27/2, ƀơi sang bruă să Ea Hđĭng, tơring glông Čư̆ Mgar, Anom bruă tơdăm dra mut phung tơring čar Dak Lak jơnum pơphun bruă mă blan hlăk ai thun 2023 hăng lu bruă mă yôm, djru pơblih yua mrô amăng hlăk ai hăng mơnuih ƀôn sang.

VOV4.Jarai – Mơguah lơ 27/2, ƀơi Geneva, dêh čar Thụy Sĩ, Kơ-iăng Khua dêh čar ta ơi Trần Lưu Quang hmâo ba jơlan grŭp khua pơ ala Việt Nam nao pơhmư̆ mông pok phun hăng pơhiăp amăng mông Jơnum gưl dlông Tal jơnum tui tơđar 52 mơng Khul wai lăng tơlơi dưi ană mơnuih mơnam Sang gum hơbit djop dêh čar.