Nao pơhmư̆ hơmâo Kơ-iăng khua dêh čar ơi Lê Minh Khái, hrŏm hăng hơdôm anom bruă Kơnuk kơna, tơring čar hăng lu anom bruă tuh pơ plai, anom ngă hrŏm, anom bơwih ƀong amăng hăng gah rơngiao dêh čar. Pơhiăp ƀơi mông jơnum, Kơ-iăng khua dêh čar ơi Lê Minh Khái kiăng, tơring čar Quảng Bình hơmâo tơlơi pơplih prong hloh hăng 4 gong tơmeh pơđĭ kyar phun, 3 kual plơi prong, 3 kual bơwih ƀong, 2 anih phun pơtrut đĭ kyar hăng 3 tơlơi pơplih phrâo yôm.

Laih dong, kiăng wai lăng bruă pơkă hơnong dưm dăp bruă, lăng glăi tŏng ten, lăi pơthâo glăi tañ kơ anom bruă dưi pơsir hơdôm tơlơi tơnap, tơlơi gun amăng mông ngă bruă. Akŏ pơdong anom bruă git gai mă bruă klă, hmar, tŭ yua, bơwih brơi mơnuih ƀôn sang, jê̆ giăm ană plơi, lăng yôm kơ ană plơi pla. Pơƀut djŏp tơlơi hơmâo kiăng tơring čar Quảng Bình hăng hơdôm boh tơring čar Kơdư Tong krah rŭ pơdong glăi tañ hloh hăng pơđĭ kyar.