Ƀơi mông tŭ jum, Kơ-iăng Khua mir sir yă Võ Thị Ánh Xuân lăi pơtong, Việt Nam lăng yom bruă rô nao rai yom biă mă hăng dêh čar Đức, hok mơak yua ƀuh tơdơi kơ 50 thun akŏ pơjing bruă pơtom hiăp, tơlơi rô nao rai dua bơnah ƀu pơdơi ôh hăng pơđĭ kyar pok pơhư prong lu bruă mă.

Dua bơnah tŭ ư ngă hrŏm tong ten pok pơhai lu bruă mă hơdor glăi 50 thun akŏ pơjing bruă pơtom hiăp Việt Nam-Đức lơ 23/9/1975-lơ 23/9/2025, amăng anun amra pơblih nao rai khua mua djop gưl čuă jơmư, pok pơhai lu bruă mă mơak gru grua hiam mơnuih ƀôn sang dua bơnah, kiăng pơtrut tui tơlơi thâo hluh nao rai tơdruă hăng bruă ngă gơyưt gơyâo plah wah mơnuih ƀôn sang Việt Nam hăng kual ala čar Hessen dêh čar Đức.