Amăng mông bơkơtuai, dua bơnah pơdah pran jua mơ-ak kơ tơlơi rô nao rai giăng mah klă hiam, gum hrŏm hơbit phara hăng gum hrŏm abih bang Việt Nam – Lao jai hrơi jai mut dơlăm, ba glăi bôh tŭ yua sit nik kơ mơnuih ƀôn sang dua bôh dêh čar; pơsit yôm gum hrŏm kơjăp, ba glăi bôh tơhnal kơplah wah dua Ding jum pơtom hiăp hơdôm hrơi rơgao.

Gah jơlan gah pơ̆ anăp anai, dua bơnah tŭ ư prăp lui klă bruă pơbưp khua git gai gưl dlông 3 bôh dêh čar Việt Nam – Lao – Kur, Tal Jơnum lok 47 Jơnum min pơlir Gong gai dua bôh dêh čar hăng Gum lăi pơthâo bruă kơđi čar gưl Khua Ding jum pơtom hiăp Việt Nam – Lao tal 11. Kơ-iăng Khua dêh čar, Khua Ding jum pơtom hiăp Bùi Thanh Sơn rơkâo dua bơnah gum hrŏm kơjăp dong hăng dŏng yua nao rai tơdruă amăng hơdôm mông bơkơtuai jar kơmar hăng amăng kual; kơtưn lăi pơthâo tơlơi pơmin kơ hơdôm tơlơi jar kơmar hăng amăng kual hơdai bơđing nao./.