Lăng yom hră lăi pơthâo boh tơhnal ngă tui bruă akŏ pơdong ping gah, glông bruă kơđi čar, pơđĭ kyar bơwih ƀong huă mơnuih mơnam, pơgang lŏn ia, pơtom hiăp mơ̆ng ƀôn prong, Khua git gai ping gah ơi Tô Lâm brơi thâo, Gơnong dlông ping gah pơtong rơđah Hà Nội lĕ Ping gah ngă gru, ping gah ba jơlan hlâo, čang rơmang ƀôn prong amra pok pơhai hur har ngă tui djop hră pơtrun mơ̆ng ping gah kiăng dưi ngă tui sit nik amăng tơlơi hơdip mơda, truh pơ plơi pla, djop mơnuih apăn bruă, mơnuih ping gah.

Hrŏm hăng anun, čang rơmang Hà Nội amra jing ƀôn prong kơtưn amăng bruă pơđĭ kyar bơwih ƀong huă amăng kual hăng amăng dêh čar, ba jơlan hlâo rơnoh pơđĭ kyar kơ hơdôm tơring čar jum dar, ieo gah, Khua git gai ping gah ăt pơtrun hiăp Hà Nội khom jing anih anom phun pơblih phrâo hăng pơčeh hiam bruă mă. Kơ bruă kiăng ngă pơ anăp anai, Khua git gai ping gah ơi Tô Lâm rơkâo Hà Nội pơtum ngă tui Tơlơi pơčrâo mrô 35 mơ̆ng Ding jum kơđi čar kơ bruă jơnum ruah khua djop gưl amăng ping gah, anăp nao Jơnum prong ruah khua ping gah dêh čar tal 14 djơ̆ hăng hrơi pơkă, akŏ bruă jao ngă.