Pơhiăp amăng mông jơnum, pơ ala kơ Gong gai dêh čar Khua dêh čar ta ơi Phạm Minh Chính črâo rơđah, pok phun pơčeh phrâo khom hmâo tơlơi gum tơngan hrom, ha pran jua mơ̆ng abih bang glông bruă kơđi čar, mơ̆ng plơi pla, mơnuih ƀôn sang, anom bơwih ƀong; khom mă mơnuih ƀôn sang, anom bơwih ƀong ngă phun, jing pô, jing tơhnal, jing pran pơtrut hăng jing ngăn rơnoh phun, biă ñu đing nao, djru brơi rơnuk hlăk ai.

Pok phun bruă mă pơčeh phrâo khom khin pơmin, khin ngă, khin gơgrong ba tơlơi ƀu tơphă, khin ba jơlan hlâo, khin ngă tui, yak rơgao drơi pô, tuh rơyuh pran jua yua kơ lŏn ia, djuai ania, yua kơ pơgi kơdih anai pơngač rơđah mơ̆ng lŏn ia amăng anun hmâo bôh tŭ yua mơ̆ng pô. Khua dêh čar ta ơi Phạm Minh Chính lăi rơđah, pok phun bruă mă, pơplih pơčeh phrâo jing sa pran pơtrut hăng ngăn rơnoh yôm phăn amăng bruă pơđĭ kyar kơjăp phik. Pok phun bruă mă khom hmâo tơlơi hor pran jua, pơsit pran, gir run kiăo tui hăng tơlơi khin hơtai yak rơgao tơlơi tơnap, tơlơi lông pioh anăp nao truh kih./.