Amăng tal nao čuă jơmư anai, Khua dêh čar ơi Phạm Minh Chính amra jơnum bơkơtuai hăng Khua dêh čar Khač ơi Lý Cường; bưp hăng mă tơngan Khua git gai ping gah, khua mir sir dêh čar Khač, ơi Tập Cận Bình; nao mă tơngan hăng khua anom bruă pơ ala mơnuih ƀôn sang dêh čar Khač ơi Triệu Lạc Tế. Hrŏm hăng anun, Khua dêh čar ơi Phạm Minh Chính nao jơnum yôm amăng Mông jơnum rĭm thun hơdôm dêh čar nao hlâo tal 14 iâu klah čun WEF; pơphun bưp nao rai dua bơnah hăng Khua git gai jơnum WEF, ăt kah hăng khua mua hơdôm dêh čar nao jơnum hrŏm, khua mua anom bruă jar kmar.

Ƀrô djơ̆ tal anai, Khua dêh čar ăt pioh mông nao bưp mơnuih ƀôn sang Việt Nam dŏ ƀơi dêh čar Khač; bưp ƀing rơgơi kơhnâo, khul grup ngă giăng mah dêh čar Khač, jơnum bưp nao rai khua mua anom bruă sĭ mơdrô plah wah Việt Nam hăng dêh čar Khač....