Tal pơplông mă ƀăng gưl 3 thun anai tơring čar Kon Tum hmâo abih bang mrô 5.028 čô čơđai, amăng anun hmâo 1.722 čô čơđai djuai ania ƀiă. Hăng pran pơsit ƀu pioh čơđai hơpă yua kơ tơnap tap mơ̆ ƀu hmâo nao pơplông, gong gai hăng gơnong bruă pơtô pơhrăm tơring čar Kon Tum hmâo laih lu hơdră djru ba čơđai, mơng bruă hrăm glăi tơlơi hrăm truh hơdôm hrơi čơđai nao pơplông.

Ră anai, Khul hlăk ai tơring čar Kon Tum hmâo pơdŏng laih 5 grŭp gum djru bơyan pơplông, pơphun pel ĕp glăi, djru čơđai tơnap tap, čơđai ƀơi kual asuek, ataih, kual guai dêh čar; gong gai hăng gơnong bruă pơtô pơhrăm 10 bôh tơring glông, plơi prong amăng tơring čar ăt hmâo pok pơhai ngă tui mơn bruă djru čơđai tơnap tap, čơđai djuai ania ƀiă prăk yua pioh amăng hơdôm hrơi pơhrăm glăi tơlơi hrăm hăng rơdêh nao rai, anih ƀong huă anih dô̆ amăng hơdôm hrơi nao pơplông./.