Ƀơi mông bưp mơnuih ƀôn sang ruah khua či plơi prong Ngã Bảy, lu mơnuih hơmâo pơdah pran jua hơ̆k mơak ƀuh boh tơhnal mơ̆ amăng dêh čar ta ăt djă bong hăng dưi ngă 6 blan rơgao, laih dơ̆ng lăng yôm boh tơhnal jơnum lok 5 tal anai hăng pơsit lu bruă mă djơ̆ găl amăng dêh čar. Mơnuih ƀôn sang ruah khua ƀơi plơi prong Ngã Bảy čang rơmang ƀing pơ ala mơnuih ƀôn sang dêh čar hăng Kơnuk kơna ăt đing nao čih pơkra tơlơi phiăn mă bruă, jơlan hơdră pơtrun kiăng ngă hơđong rơnoh sĭ mơdrô gơnam yua gah đang hmua, pơhơđong rơnoh sĭ mơdrô boh čroh mơ̆ng đang hmua, anăm kơnang đơi kơ hơdôm dêh čar tač rơngiao, hơduah ĕp mă anih anom sĭ mơdrô phrâo, pơhưč mơnuih mă bruă, pơsir bruă mă kơ ƀing tơdăm dra phrâo hrăm giong sang hră gưl prong, khom hơmâo jơlan hơdră pơhưč mơnuih mă bruă gah ia jrao; sem glăi hră pơtrun ƀu brơi mơnuih apăn bruă kơnuk kơna, mơnuih ngă khua blơi lŏn ngă hmua ia...

Ƀrô djơ̆ tal anai, Kơ-iăng Khua git gai pơ ala mơnuih ƀôn sang dêh čar ơi Trần Thanh Mẫn pơ ala kơ grup khua mua pơ ala mơnuih ƀôn sang dêh čar tơring čar Hậu Giang hơmâo nao jao 20 boh sang Gum pơgôp hăng rơnoh abih tih 1 klai prăk, brơi kơ hơdôm sang anŏ ƀun rin amăng plơi prong Ngã Bảy, tơring čar Hậu Giang.