Tơdơi kơ nao truh pơ plơi prong jưh jom Bắc Kinh pơphun sit nik nao čuă dêh čar Khač hăng nao Jơnum rĭm thun mơng ƀing ba jơlan hlâo tal 14 amăng Jơnum bơkơtuai bơwih ƀong jar kmar (WEF), Khua dêh čar ơi Phạm Minh Chính bưp ƀing khua mua hơdôm anom bruă pơ ala hăng mơnuih ƀôn sang Việt Nam ƀơi dêh čar Khač. Đĭ pơhiăp amăng mông bưp, Khua dêh čar ơi Phạm Minh Chính lăi pơtong, Ping gah hăng Kơnuk kơna lêng kơ lăng mơnuih ƀon sang Việt Nam pơ tač rơngiao, amăng anun hơmâo mơnuih ƀôn sang Việt Nam pơ dêh čar Khač, lĕ ƀing mơnuih ƀu pơčlah ôh mơng djuai ania ta, anai lĕ sa amăng hơdôm tơlơi pơtrut pran kơtang kiăng pơđĭ kyar lŏn ia.

Pơ anăp anai, Khua dêh čar čang rơmang mơnuih ƀôn sang Việt Nam ƀơi dêh čar Khač tŏ tui pran gum djru tơdruă, lăng yôm kơdrưh ang djuai ania, pran gum pơgôp, djru tơdruă găn rơgao tơnap tap; gir run hrưn đĭ, mut hrŏm, ngă tui djơ̆ tơlơi phiăn hăng pơgôp pơđĭ kyar ƀơi dêh čar dŏ hơdip; jing tơlơi pơtruh nao rao tơlơi rô nao rai, giang mah hăng ngă hrŏm yôm phăn djop mơta kơplah wah Việt Nam hăng Khač