Tal pơplông mă ƀăng gưl 3 thun anai tơring čar Kon Tum hmâo 5.028 čô čơđai pơplông, amăng anun hmâo rơbêh kơ 1.700 čô čơđai djuai ania ƀiă. Đơ đam tơring čar hmâo 12 bôh anih pơplông sit nik hăng 224 bôh anih mut pơplông hăng 9 bôh anih pơhlôm hlâo hăng 184 bôh anih mut pơplông. Lơ 27/6, Grŭp pel ĕp nao mă bruă črâo ba, pơphun lăng čơđai pơplông hăng pel ĕp bruă wai lăng pơplông Tal pơplông mă ƀăng gưl 3 thun 2023 mơng Ding jum pơtô pơhrăm yua kơ Thiếu tướng Nguyễn Văn Thế, Kơ-iăng Khua git gai Ping gah Sang hră gưl dlông Nguyễn Huệ, Ding jum Khul ling tơhan ngă Khua grŭp hmâo mă bruă hăng Khul wai lăng bruă pơplông Gơnong bruă pơtô pơhrăm tơring čar Kon Tum, hrŏm hăng anun pel ĕp bôh nik ƀơi hơdôm anih anom pơplông.

Pơsit mơ̆ng Grŭp pel ĕp brơi ƀuh, tơring čar Kon Tum prăp lui laih kơ tal pơplông mă ƀăng gưl 3 pơhlôm, tơpă. Khul wai lăng bruă pơplông Gơnong bruă pơtô pơhrăm tơring čar hmâo lăi pơthâo hăng pơphun ngă tui klă hơdôm hră pơ-ar črâo ba mơng Khua dêh čar, pơkă, pơtô ba mơ̆ng Ding jum pơtô pơhrăm kơ tal pơplông mă ƀăng gưl 3 thun 2023 djơ̆ hăng tơlơi hmâo sit. Grŭp hyu mă bruă amra gum hrŏm kơjăp hăng gơnong bruă pơtô pơhrăm mơ̆ng tơring čar pơsir hmao tlôn tơdah hmâo tơlơi truh, djru pơhlôm kơ tal pơplông pơphun pơhlôm klă, tơpă./.