Hrơi pơphun pơkra hơmâo jơnum ƀơi anăp wơ̆t hăng lăng mơ̆ng ataih amăng tivi pơtruh hăng 7 anih ƀơi: Hoài Đức, Thanh Oai, Sóc Sơn, Thường Tín (Hà Nội) hrŏm hăng hơdôm boh tơring čar Bắc Ninh, Hưng Yên hăng Đồng Tháp. Pơhiăp ƀơi mông jơnum, Khua dêh čar ơi Phạm Minh Chính lăi bruă tuh pơ alin pơkra jơlan bĕ amăng plơi prong mrô 4 - kual plơi prong jưh jom Hà Nội, jơlan wer plơi prong pơtruh nao rai anih bơwih ƀong phun amăng kual plơi prong jưh jom Hà Nội, pơtruh Hà Nội hăng tơring čar Hưng Yên, Bắc Ninh wơ̆t hăng hơdôm boh tơring čar pơkŏn amăng kual amra pơtrut tui tơlơi tŭ yua tuh pơ alin hăng hơdôm kơčăo bruă glăk hơmâo ngă, akŏ pơjing anih pơđĭ kyar phrâo laih anun pơsir hĭ hơdôm tơlơi aka ƀu djơ̆ lăp mơ̆ng plơi prong jưh jom Hà Nội, mă yua lŏn tơnah, akŏ pơdong plơi prong kơjăp, pơplih tui rơnuk phrâo.