VOV4.K’ho- Jơh dùl rài kis tam dră ai broă lơh tơngklàs jơi bơtiàn, dong klàs kòn bơnus, Chủ tịch Hồ Chí Minh mìng geh dùl bơta kơ\p kờ`, kơ\p kờ` ngan là lơh bè lơi nàng ai dà lơgar he in geh lơngăp lơngai is jơh, làng bol he geh khat gơboh is jơh, cau lơi kung geh gơnoar jòi bơta chờ hờp.

Den tàng bè hơ\, lài mờ tu\ ngài Ồng ờ mìng lời wơl ai jơh gùt Đảng, gùt ling klàng mờ gùt làng bol in dùs nhơm kòn bơnus dờng, dùl bồ tơngoh dờng, dùl broă lơh dờng mờ Ồng gam lời wơl sră cih Jơnau nting bơr lời wơl kah yau. Bulah Ồng cih là: “nàng lời wơl bàr pe bơr” mờ “mìng đơs dùl êt bàr pe broă lơm” mơya Jơnau nting bơr lời wơl bơh Chủ tịch Hồ Chí Minh dê là dùl sră nggal kah yau kuơmàng ngan, geh bơta kuơ tàm sră pơ àr mờ bơta kuơ tàm rài kis geh ngan jrô ơnàng ngan. 

Ală sèng bơh sơnrờp bơh sră cih Jơnau nting bơr lời wơl kah yau geh Chủ tịch Hồ Chí Minh ngan ngồn ai gai cih tàm ngai 10/5/1965. Tu\ hơ\, Ồng neh mu\t tàm sơnam 75 “sơnam neh dờng ngan” bè jơnau đơs bơh cau bơceh jơnau nri\ là ồng Đỗ Phủ dê “rài bơtau Đường- lơgar Lo). Rwah dùl ngai niam, trồ tiah niam tàm dơ\ tơngkah kir sơnrai ngai deh he dê, tu\ să jan gam pràn ngan mờ bồ tơngoh gam kah mờ ngac ngar ngan, Ồng neh cih ală jơnau nting tơngkah ai jơh gùt Đảng, gùt ling klàng mờ gùt làng bol he dê in.

Bơh ngai 10 tus ngai 14/5/1965, pah ngai Ồng lời pơgăp 1 jiơ nàng cih mờ cih jơh sră cih Jơnau nting bơr lời wơl jòng 3 pang, bơh Ồng tê tờm cih mờ măy, tàm hơ\ geh bal gơl sơnrờp, gơl nggùl mờ gơl lồi du\t mờ Ồng ki\ măt tàm hơ\. Cau kơlôi sơnơng bè rài kis, broă lơh Chủ tịch Hồ Chí Minh dê là Tiến sĩ Chu Đức Tính, lài do là kuang atbồ Bảo tàng Hồ Chí Minh mblàng bè do:

Sră cih Jơnau nting bơr lời wơl bơh Bác Hồ dê geh cih tàm 5 nam tơn, tàm tu\ Ồng gam pràn, àng sơndah mờ ngac ngar. 5 nam hơ\, Bác Hồ lời wơl mìng 10 pang cih lơm, mơya tàm 10 pang hơ\ bol he sền wih sền wơl gơtùi go\ là, Bác Hồ ờ hu\i dùl nă cau lơi mờ ờ hu\i dùl broă lơi. Den tàng Jơnau nting bơr lời wơl bol he ndrờm ring bal đơs, do là dùl pang sră tơrgùm jơh ală bơta geh ngan, pơlam gùng tơnơ\ do mờ là dùl sră bơto pơlam ai Đảng he dê in tàm ală tu\ pơn jat tai lòt guh tus tềng đăp.

Ală jơnau nting tơngkah mờ kơ\p kờ` bơh Chủ tịch Hồ Chí Minh dê tàm sră cih Jơnau nting bơr lời wơl [alhiă ngan mơya king cru\ ngan, geh bơta kuơ kah yau mờ tu\ tơngai jrô ơnàng ngan, mơkung bềng lơm nùs nhơm bơto tơngkah kòn bơnus dờng màng ngan. Hơ\ là bồ tơngoh bè bơ\t bơtàu Đảng at gơnoar sàng goh, pràn kơldang kơ\ kơl jăp; Lơh jat gùng dà broă lơh mpồl bơtiàn, bơtàu tơnguh lơh sa, niam chài, ngui niam bơta pràn kòn bơnus, sùm bơtàu tơnguh rài kis làng bol dê; Sền gròi tề lam rơnàng kăc màng ai rài tơnơ\ do in; Kơ\ dơn jơnau kờ` lòt guh tus rài làng bol lơh tờm mpồl bơtiàn ring bal mờ lơh jat broă lơh tam gơl pa…

Phó Giáo sư, Tiến sỹ Doãn Thị Chín, Kuang atbồ Khoa Bồ tơngoh Hồ Chí Minh, Học viện Báo chí mờ Tuyên truyền đơs là: Tàm sră cih Jơnau nting bơr lời wơl kah yau bơh Chủ tịch Hồ Chí Minh dê, jơnau nting bơr bơh sơnrờp là đơs bè Đảng. Hơ\ kung là broă mờ Ồng kơlôi sơnơng sùm tàm jơh dùl rài kis lơh broă kăc màng bơh he dê. Bơsram mờ đòm jat bồ tơngoh Ồng dê, broă tam klac tàm Đảng sùm geh Đảng he sền gròi, kuơmàng là tàm tơngai tu\ do. Hơ\ là dùl cơng tàng pràn kơldang đơs nền bơta kuơ geh ngan Jơnau nting bơr lời wơl bơh Chủ tịch Hồ Chí Minh dê.

Bơh krơh àng să tờm rài kis he dê, Chủ tịch Hồ Chí Minh neh đơs ngan, nùs nhơm rơnàng cau mờ nùs nhơm oh mi tàm Đảng, sền hơ\ là dùl jơnau kuơmàng nàng tam klac tàm Đảng. Ồng sồr: “Đảng pal geh nùs nhơm oh mi tàm kờ` gơboh bal”. Tàm Jơnau nting bơr lời wơl, Hồ Chí Minh neh đơs wih đơs wơl jơnau nùs nhơm tu\ Đảng gơ gơs là Đảng at gơnoar. Jat Ồng, Đảng at gơnoar là bơta tam gơl dờng màng tàm pơrjum Đảng. Đảng at gơnoar geh gơnoar broă đơng lam rơnàng cau mờ jơi bơtiàn bơ\t bơtàu geh cồng nha mpồl bơtiàn pa-nùs nhơm mpồl bơtiàn. Nàng lơh gơs gơnoar broă Kăc màng hơ\, Đảng he pal “là nùs nhơm, là jak chài”.

Dùl bồ tơngoh pơnrơ tàm Jơnau nting bơr lời wơl bơh Chủ tịch Hồ Chí Minh dê là bồ tơngoh sền dờng màng làng bol, rềp mềl mờ làng bol. Lơh jat jơnau nting bơr bơh Bác Hồ dê, Đảng neh sồr mờ đơng lam làng bol lơh jat broă lơh tam gơl pa, rơhời bơtàu tơnguh rài kis làng bol dê.

Giáo sư, Tiến sĩ Hoàng Chí Bảo, lài do là kuang bàng mờng chài dờng màng, Ủy viên Mpồl duh broă cribơyai Dà lơgar đơs là: nàng dà lơgar bơtàu tơnguh kơ\ kơl jăp, rài kis làng bol pơn jat tai geh sơlơ tơnguh tai, den Đảng sơlơ pal gi\t wa\ jrô bồ tơngoh sền dờng màng làng bol, rềp mềl mờ làng bol tàm Jơnau nting bơr bơh Chủ tịch Hồ Chí Minh dê, mơkung pal sùm sền jơnau kờ`, jơnau gi\t wa\ mờ kơnòl chính trị bơh Đảng dê là drơng làng bol in:

Kuơmàng ngan rlau jơh tu\ do là sền gròi rài kis làng bol in, tài bơh hơ\ là jơnau bơh sơnrờp phan bơna nàng wèt tus broă bơto bơtê bồ tơngoh chính trị. Dơ\ bàr là lơh bè lơi bè Hồ Chí Minh, đơs: sền gròi kơlôi rcăng ờ go\ di mìng là rài kis làng bol dê lơm mờ gam là bồ tơngoh gi\t wa\ làng bol dê mờ gơnoar làng bol dê. Geh bơta wa\ wờng làng bol, lơh broă tài làng bol den làng bol hơ\ sồng pin mờ dòn jat. Den tàng geh dơ\ Bác Hồ geh jơnau đơs pơndu\t: bơta kuơmàng lơh geh cồng nha bơh kăc màng dê là tàm bơta lơh ai làng bol in pin dờn, làng bol in gi\t, làng bol kờ` gơboh, làng bol dùl nùs bal den làng bol geh sền gàr. Den tàng pal ai bơta pràn bơh tàm làng bol. Hơ\ ngan là tơrnhang kơ\ kơl jăp ngan bơh kăc màng dê.

Jơnau nting bơr lời wơl bơh Chủ tịch Hồ Chí Minh dê là jơnau nting bơr du\t ndơl bơh dùl nă kuang đơng lam bồ jak chài ngan dê, dùl nă cau lơh broă kăc màng tiơng pơnrơ ngan geh bồ tơngoh kơlôi sơnơng jrô, sền go\ ngài. Tàm hơ\, Ồng neh tơngoh uă ngan nùs nhơm geh kơnòl gơ wèt mờ Đảng, mờ broă lơh tam lơh tam dră mờ Mỹ dong klàs dà lơgar, mờ rơnàng kơnòm să, mờ ală rơnàng làng bol he mờ srơh cộng sản mờ kông nhân dunia.

Mơya glòm jơh bal tàm jơh ală tơngume Jơnau nting bơr là 2 jơnau “Đảng” mờ “Làng bol”. Do kung ngan là bơta sền gròi uă ngan rlau jơh tàm jơh dùl rài kis Ồng dê. Hơ\ là cơng tàng pràn kơldang ngan đơs nền bơta kuơ kah yau dờng màng ngan, bơta kuơ cribơyai tàm sră nggal mờ tàm bơta geh ngan bơh dùl Sră nggal kah yau dê.

Cau mblàng Lơ Mu K’Yến