VOV4.K’ho- Tàm ală tu\ lơh broă, ală cau lơh đèng tàm Dak Lak neh geh uă bơta bơceh pa, lơh pa niam ma\y mok geh kuơ uă ngan. Bơh hơ\, dong lơh niam wơl broă lơh, tềm pềr priă jền, tơnguh cồng nha lơh broă.

Mờr 30 nam lơh broă mờ gah ồs đèng, tàm hơ\ 25 nam lơh broă tàm Xí nghiệp Điện cơ Dak Lak, ồng Phạm Hữu Huỳnh mìng lơh dùl broă lơh là công nhân lơh niam wơl phan bơna. Tàm tu\ lơh broă, ồng neh geh uă bơta bơceh pa, lơh pa niam ma\y mok, geh Công ty Ồs đèng Dak Lak, Tổng công ty Ồs đèng tiah tàm gùl lơgar cih dờp, ai mut ngui geh cồng nha.

Tàm g^t nđờ jơ\t jơnau bơceh pa, geh ală phan bơna ma\y mok, phan ngui bơh ồng Huỳnh dê lơh pa wơl bal hiă mơya cèng wơl cồng nha uă ngan. Ală ma\y mok kờp mờ priă g^t nđờ rơhiang tơlak mờ ma\y koh đèng hơđang jơnhoa, tàm tu\ ngui gơtìp ờ diơng ma\y mok, tàm drà ờ go\ geh tăc phan nàng ala, ồng neh lơh niam wơl, tam gơl ma\y mok mờ ngui geh cồng nha.

Ồng Phạm Hữu Huỳnh đơs, ală bơta bơceh pa, lơh pa ma\y mok ndrờm geh bơh nùs nhơm kờ` gơboh mờ broă lơh, gơlik geh bồ tơngoh bơceh pa.

Tàm tu\ lơh broă geh uă kal ke den gơlik geh bơta kơlôi sơnơng nàng drơng broă lơh sa bơh să tờm he in buơn rlau tai. Pơn yơu bè ma\y koh bè ru-lêch, bơnah să gơ dê pơgap rlau 200 tơlak priă, drang ntrờ` ờ geh tăc tàm drà, mờ ờ diơng phan do den sền bè là ma\y hơ\ pal sang te\. Mơya a` tam gơl wơl ma\y mok hơ\ den tu\ mut ngui gàr niam bơta ờ do ờ dă, ờ gơlik geh bơta aniai lơi. Bơta bơceh pa hơ\ den kung geh Công ty mờ Tổng công ty dờp mờ ai mut ngui geh cồng nha sơl.

Là công nhân, ờ geh bơto bơtê uă, mơya ồng Phạm Hữu Huỳnh ( lơh broă tàm Xí nghiệp Điện cơ Dak Lak)  neh tryang tyồng bơsram, kơlôi sơnơng tàm sră pơ àr, kuơ màng là lơh broă ngan ngồn, ai geh uă bơta mờng chài mờ geh uă jơnau bơceh pa. 8 nam sùm là công nhân ồng Phạm Hữu Huỳnh ndrờm lơh geh sră jờng rơ Cau pơrlòng jak cơ sở, Liên đoàn Lao động pà bằng khen bè lơh broă bơceh pa, geh Bộ Công thương pà bằng khen tài geh ală bơta bơceh pa lơh pa wơl ma\y mok jak ngan.

Tu\ do, ồng Phạm Hữu Huỳnh tus bal tàm uă gah broă bè: lơh niam wơl ală phan bơna đèng công nghiệp mờ ngui tàm rài kis, lơh niam wơl hìu ma\y pờ tơlik ồs đèng, lơh pa wơl rơndeh rơndồ mờ tus bal sền sơ wì ma\y mok đèng. Jơnau bơceh pa ồng dê gam lơh là lơh pa wơl jồr zờu ai ma\y biến thế in. Tài bơh anih lơh gơlik mìng lơh geh ma\y jồr đah dơlam, tơnơ\ bàr pe nam ngui digơlan gơtìp ờ diơng, pal tam gơl wươl phan pa roh g^t nđờ rơhiang tơlak priă. Mơya mờ bơta kơlôi sơnơng bơh ồng Huỳnh dê, crăp tai dùl ma\y jồr zờu đah bơdìh, den geh tơnguh uă sơnam lơh broă ai ma\y in jo\ jòng rlau tai.

Dilah công nhân g^t loh broă lơh geh uă bơta bơceh pa tàm gah lơh ồs đèng- cơ khí, den Kỹ sư kơnòm să bi Lưu Công Vĩnh (Cau atbồ Mpồl lơh tơr lòng lài Xí nghiệp Điện cơ Dak Lak) den geh tai ală jơnau bơceh pa tàm gah ma\y mok pờ is mờ lơh is. Jơh ală ma\y mok phan bơna, tơnơ\ blơi rê ndrờm pal sền sơ wì di mờ ală jơnau kờp sền ma\y mok, tơl khà niam hơ\ sồng ai mut ngui. Pơn yơu bè, tu\ sền bộ tụ bù hạ thế, tu\ sền pal tă jơh ma\y mok den roh tu\ tơngai, roh tơngai cau lơh broă mờ ờ gàr niam bơta ờ do ờ dă. Nàng bơsong wơl jơnau do, Kỹ sư Lưu Công Vĩnh neh bơceh pa ma\y mok sền jơnau kờp jơh ală ma\y mok tàm bộ tụ bù hạ thế mờ ờ duh pal tă jơh ma\y mok. Halà bè ma\y plai was đèng dùl gùng C.A-6250, tơnơ\ tu\ ngui geh gơbàn ờ diơng pil, kờ` tam gơl pil pal dan blơi lài jo\ ngan mờ uă priă jền ngan, bi neh bơceh pa tam gơl dùl bơta pil ndai mơ kung gam sơl gàr bơta niam, mờ khà priă lơyah rlau.

Tàm khà uă jơnau bơceh pa neh geh Tổng công ty Ồs đèng tiah tàm gùl lơgar dờp, ai mut ngui, Kỹ sư Lưu Công Vĩnh (lơh broă tàm Xí nghiệp Điện cơ Dak Lak) di nùs ngan là phan tam gơl kờ` tam pà bơta pràn bơh ngài tàm broă sền sơ wì ma\y biến áp dê.

Bơta do geh kuơ màng uă ngan mờ cau lơh broă, lơh niam wơl broă lơh, tơnguh cồng nha lơh broă. Lài mờ tu\ ờ geh ma\y mok do den cau lơh broă pal lơh wơl kờ` tam pà bơta pràn tàm bơta trồ tơngai duh trơ ồl kung gam pal ơm bơdìh mờ lơh wơl mờ tê. Tu\ geh ma\y mok do den cau lơh broă ờ duh pal lơh broă do tai mờ tam gơl lơh broă ndai, cồng nha gơguh uă, lài do pah ngai lơh geh 6 nơm ma\y den tu\ do lơh geh 10 nơm ma\y.

Tàm ală nam do, Công ty Điện lực Dak Lak sùm sền gròi, pơn jờng srơh lơh broă bơceh pa. Tàm Xí nghiệp Điện cơ, bơh công nhân mờng lơh broă tus kỹ sư kơnòm să neh lơh ngan lơh jat mờ geh uă bơta bơceh pa, lơh pa ma\y mok geh kuơ, geh ngui tàm broă lơh ngan ngồn, pơgồp bơnah lơh niam bơta lơh broă, tơnguh cồng nha lơh broă, cèng wơl cồng nha lơh sa uă.

Cau mblàng K’ Hạnh