VOV4.K’ho- Drim òr (24/5), tàm [òn dờng Dà Làc(càr Lâm Đồng), Bộ Nông nghiệp mờ Phát triển nông thôn neh bơyai lơh pơrjum lam lơh rơndap broă sền gàr, tam wơl mờ bơtàu tơnguh brê kơ\ kơljap tiah Tây Nguyên tơngai bơh nam 2016 tus nam 2030.

Iơm sơ nơm khih chi brê nàng sơ gràm ù gam gơlik geh uă tàm Tây Nguyên

Jat cồng nha yal bè bơta geh ngan brê nam 2018, kờp jơh bă tiah geh brê bơh ală càr Tây Nguyên dê là rlau 2 tơlak 557 rơbô 300 lồ, gơguh rlau 3 rbô 500 lồ pơn drờm mờ nam 2017, khà jơm glòm brê gùt tiah do geh 46%. Khà dơ\ lơh tìs Adat sền gàr mờ bơtàu tơnguh brê gơmù rlau 800 dơ\, bă brê gơ tìp hoàc huơr 255 lồ, gơmù 92 lồ pơn drờm mờ nam 2017.

Anih geh lơh pơrjum 

Bulah broă atbồ sền gàr brê tàm Tây Nguyên lơh geh uă cồng nha niam, mơya ngan ngồn kung gam uă tiah gơlik geh uă bơta kơl mus brê, bơta kơl mus gơlik geh kal ke, mờ broă lơh ngai sơlơ lac lèo, tràl sơbil, geh mpồl cau tus bal, sồr ală tiah pal lam lơh geh cồng nha ală cơ chế, broă lơh sền gàr mờ bơtàu tơnguh brê, mơkung tơr gùm jơh bơta pràn kơryan jơh ală broă kơl mus brê.

Cau mbàng K’ Duẩn