VOV4.K’ho- Nam 1987, Bộ Chính trị geh Kơrnoat sồ 02 Kơrnoat dà lơgar dê bè bơ\t bơtàu ală càr, [òn dờng kơnhoàl ù tiah rcăng gàr lài sền gàr dà lơgar kơ\ kơl jăp. Kơrnoat do geh Bộ Chính trị bơtàu tơnguh gơ gơs là Kơrnoat sồ 28 Kơrnoat dà lơgar dê nam 2008 nàng pơn jat bơ\t bơtàu kơnhoàl ù tiah rcăng gàr lài sền gàr dà lơgar kơ\ kơl jăp tàm tu\ tơngai pa. Ală nam do, Kơrnoat bơh Bộ Chính trị dê neh geh ală mpồl ling tàm ù tiah Tây Nguyên bơsram mờ lơh jat dùl bă niam ngan. Dùl tàm ală mpồl ling pơnrơ là Binh đoàn 15 gơ wèt Bộ Quốc phòng, tu\ gam crơng gơs dùl ù tiah rcăng gàr lài sền gàr dà lơgar kơ\ kơl jăp tàm ù tiah đah tô Tây Nguyên.

                                                                Công ty 716- Binh đoàn 15

Mờr 10 nam rê hờ lài, ù tiah xã Ia Đal, kơnhoàl Ia H’Drai, càr Kon Tum gơlơh bè là dùl kơnhoàl ù tiah ngềt ngơ\t ờ geh dùl nă làng bol lơi ơm kis. Do là kơnhoàl ù tiah nhàr lơgar ơm ngài mờ tiah tờm kơnhoàl Ia H’Drai, trồ tiah ờ niam ngan, gùng lòt rê den kal ke ngan tai. Tàm do, jat gùng dà bơh Bộ Quốc phòng dê mờ gơnoar atbồ càr Kon Tum dê geh crơng gơs dùl công ty ling klàng nàng lơh sa mơkung lơh kơnòl broă sền gàr dà lơgar lơngăp lơngai. Bơh hơ\, Công ty 716 gơ wèt Binh đoàn 15 geh crơng gơs. 12 mpồl lơh sa bơh công ty dê geh crơng gơs mờ hơ\ kung ngan là ală anih làng bol ơm kis jat kềng gùng pleh tiah nhàr lơgar. Hìu bơnhă bi Quách Công Quản, công nhân đội 6, Công ty 716 là dùl tàm ală hìu bơnhă bơh sơnrờp ơm kis tàm tiah ơm kis pa do. Bal mờ priă lơh geh kơ\ kơl jăp sùm rlau 6 tơlak dùl nhai, hìu bơnhă bi kung iang nùs ngan tu\ oh kòn geh bơsram tơl niam bal mờ ală phan bơna kung mờr ndrờm geh wil tơl sơl.

Bơh tu\ bol a` mu\t tàm do kung di 7 nam sơl, broă lơh nùs nhơm den kung kơ\ kơl jăp. Mu\t lơh công nhân den gi\t là ơm kis jo\ jòng, lơh broă sùm mờ anih lơh broă, geh ală bi kấp hơđang den kung bơto pơlam, hơ\ sồng tu\ lơh công nhân den pơgồp bal lơh sa den tàng rài kis kung tơl ngui tơl sa đau mờ cau.

Binh đoàn 15 neh crơng gơs dùl kơnhoàl ù tiah nhàr lơgar pas sơm mờ pràn kơldang kơ\ kơl jăp tàm tiah nhàr lơgar đah tô Tây Nguyên

Broă crơng gơs ală cụm, ală anih làng bol ơm kis geh Công ty 716 pơgồp bal mờ gơnoar atbồ càr Kon Tum mờ kơnhoàl Ia H’Drai sồr lơh kơ\ kơl jăp tơl bơh sơnrờp. Tiah lơi geh công ty, geh nông trường, tiah hơ\ geh anih làng bol ơm kis, geh ală hìu sơnơm, hìu bơsram bơtàu tơnguh dùl ròt bal. Thiếu tá Nguyễn Đình Thanh, Kuang atbồ Công ty 716, Binh đoàn 15 pà gi\t, công ty neh rcăng lài dong kờl ai Đảng ủy xã Ia Đal in mờ ai mpồl ling tus bal bơ\t bơtàu gơnoar atbồ [òn lơgar. Tu\ do, jơh gùt xã Ia Đal geh 11 thôn den 5 nă kuang atbồ thôn là kuang bàng Đội lơh sa bơh Công ty 716 dê.

Tu\ mờ crơng gơs ală anih làng bol ơm kis den bol a` sền là geh kơ\ kơl jăp geh jơh rài kis ai kuang bàng, công nhân viên mờ cau lơh broă bơh ală anih làng bol ơm kis dê. Mơkung bal mờ [òn lơgar tơrgùm bơtàu tơnguh lơh sa- mpồl bơtiàn tàm ù tiah mpồl ling lơh broă mơkung sền gàr kơ\ lơngăp lơngai sền gàr dà lơgar tàm tiah do. Jơh ală anih làng bol ơm kis bơh bol a` dê ndrờm ơm jat kềng tiah nhàr lơgar, gơtùi đơs ngan là ală anih làng bol ơm kis bơh bol a` dê là kơnhoàl ù tiah rcăng lài sền gàr dà lơgar kơ\ kơl jăp ngan.

                 Công nhân tàm ală anih lơh broă bơh Binh đoàn 15 dê tàm tiah nhàr lơgar

Bal mờ jơnau đơs “Lơh sa tus tiah lơi, gơhòi gơ jà cau lơh broă mờ bơ\t bơtàu tiah làng bol ơm kis tus tiah hơ\”, Công ty 716, Binh đoàn 15 neh lam lơh dùl ròt ală gùng dà broă lơh nàng kờ` lơh jat niam kơnòl broă sền gàr tiah nhàr lơgar tềng đap mat mờ jo\ jòng. Mpồl ling neh rơndăp ù tiah kơ\ kơl jăp ală tiah sùm tam phan, tiah lơh sa kơ\ kơl jăp mờ tiah ơm kis kơ\ kơl jăp ai làng bol ơm kis bơh yau dùl bă tiah mờ làng bol bơh tiah ndai geh ntrờ` tus in. Ồng Ngụy Đình Phúc, Chủ tịch UBND xã Ia Đal, kơnhoàl Ia H’Drai, càr Kon Tum pà gi\t, Công ty 716, Binh đoàn 15 neh pơgồp bơnah kuơmàng tàm bơtàu tơnguh ală tiah lơh sa tờm tàm tiah nhàr lơgar, bơ\t bơtàu tiah nhàr lơgar kơ\ kơl jăp tơl mờ ală bơta.

Xã Ia Đal là dùl xã kuơmàng bè sền gàr dà lơgar, lơngăp lơngai. Tơl tiah làng bol ơm kis geh crơng gơs ndrờm bè dùl ròt tàm tơrbo\ bal, kơ\ kơl jăp đah ling klàng mờ làng bol. Kuơmàng là gơ wèt mờ mpồl ling bơh Công ty 716, Binh đoàn 15 dê mờ xã Ia Đal, tàm broă lơh bơ\t bơtàu lơh sa- sền gàr dà lơgar den ală tiah làng bol ơm kis do ndrờm bè dùl jrong nhàr lơgar. Tơl nă kông nhân, cau lơh broă ndrờm bè dùl jrong kis tàm tiah nhàr lơgar, tus bal tàm broă sền gàr dà lơgar, lơngăp lơngai rơndăp tăp sèng tàm tiah nhàr lơgar.

                  Tiah [òn ơm kis pa crơng gơs tàm tiah nhàr lơgar xã Ia Đal gơlơh bè dùl jrong kis

Bal mờ xã Ia Đal, broă tus bal bơ\t bơtàu kơnhoàl ù tiah rcăng gàr lài sền gàr dà lơgar geh Binh đoàn 15 jơh nùs sền dờng màng tàm jơh ală 42 xã gơ wèt 6 kơnhoàl tiah nhàr lơgar bơh 2 càr Gia Lai mờ Kon Tum dê mờ Binh đoàn 15 gam lơh jat kơnòl broă. Binh đoàn 15 neh lơh gơs niam gơnoar broă “Mpồl ling lơh broă, mpồl ling lơh broă lơh sa”, đơs ngan cồng nha bơh dùl mpồl ling lơh sa- sền gàr dà lơgar tàm ù tiah kuơmàng Tây Nguyên. Bơta do gơcèng bơta kuơ dờng màng tàm broă lơh jat gùng dà broă lơh bơh Đảng mờ Dà lơgar dê tàm broă đơng pơlam, tam pà cau lơh broă, ai làng bol ơm kis tàm gah gùng pleh kềng gah tiah nhàr lơgar.

                                         Anih làng bol ơm kis gơ wèt Công ty 716

Binh đoàn 15, Bộ Quốc phòng, là mpồl ling lơh sa dờng tàm Tây Nguyên, mờ kờp jơh bă ù lơh sa suơn sre neh ai mu\t tàm broă lơh sa kă bro rơlao 40 rơbô lồ.

Mờ broă pơgồp bal bơh ală cau lơh sa kă bro, cau ling, ală tiah nhàr dà lơgar ơnàng tàm đah tô Tây Nguyên, neh tơnguh pràn; rài kis làng bol ală jơi bơtiàn kòn cau tàm do sơlơ ring niam; broă lơh sa mpồl bơtiàn tiah nhàr dà lơgar tam gơl loh làng.

Binh đoàn neh pà go\ loh làng gơnoar bơh să tòm dê tàm broă bơ\t bơtàu tiah rơcang sơndră tàm ală tiah geh Binh đoàn lơh jăt kơnòl lơh sa sền gàr dà lơgar. Cau ai tơng^t jơnau đơs do neh geh dơ\ lùp Đại tá Lê Xuân Phương, Phó Tư lệnh Binh đoàn 15 bè gơnoar Binh đoàn tàm broă rơcang sơndră lài tàm tiah do dê.

-Ơ Đại tá, Binh đoàn 15 neh lơh jăt jơnau đơng lam bơh Dà lơgar tàm broă tus bal bơ\t bơtàu tiah rơcang sơndră lài tàm do bè lơi?

Đại tá Lê Xuân Phương: Binh đoàn 15 geh crơng gơs mờ dờng pràn nam 1985, tơnơ\ mờ 2 nam den Bộ Chính trị geh tơl^k Nghị quyết sồ 02 bè broă bơ\t bơtàu ală càr, [òn dờng gơs tiah rơcang sơndră lài pơgồp bal, pràn kơl dang.

Tơnơ\ mờ uă nam lơh jăt den mờ broă tus bal bơh ală gah, mpồl lơh broă chính trị, he neh lơh ală tiah rơcang sơndră lài tàm ală tiah neh di mờ nùs nhơm Nghị quyết sồ 02 geh ai.

Tus pơrjum dờng Đảng khoă 10, tơnguh bơtàu Nghị quyết sồ 02 gơs Nghị quyết sồ 28, pơn jăt tai bơ\t bơtàu ală càr, [òn dờng gơs tiah rơcang sơndră lài kơl jăp, lơh jăt nền nòn kơnòl Quân uỷ dà lơgar jào, Bộ Quốc phòng đơng lam, den Binh đoàn 15 bol a` neh lơh jăt ndrờm bal uă broă lơh tàm tơngu me kơnòl gơnoar geh jào, hơ\ là mpồl lơh sa sền gàr dà lơgar geh ơm tàm tiah kuơ màng ală càr Gia Lai, Kon Tum mờ Quảng Bình.

-Ơi, di bè hơ\? Tàm broă tus bal lơh tiah rơcang sơndră lài tàm ală càr, broă pơgồp bal geh lơh jăt bè lơi ơ Đại tá?

Đại tá Lê Xuân Phương: Tiah geh ơm bơh Binh đoàn tàm bàr càr Gia Lai mờ Kon Tum geh jòng rơlao 270 kơi sồ gùng nhàr dà lơgar.

Bol a` neh bơyai pơgồp bal niam mờ ală mpồl ling tàm ală càr do, mpồl ling sền gàr tiah nhàr dà lơgar tơnguh gơnoar pơlam ai cấp uỷ Đảng, gơnoar atbồ in bơ\t bơtàu ndrờm bal 4 bơta pràn tàm tiah rơcang sơndră lài.

Kuơ màng là bơta pràn lơh sa pơgồp bal mờ sền gàr bơta lơngăp lơngai dà lơgar tàm tiah nhàr dà lơgar.

Bol a` neh bơyai lơh ai uă ngan công nhân gơs ală hìu công nhân pơgồp bal mờ ală [òn, xã tàm tiah nhàr dà lơgar, bal mờ broă lơh gơs tiah nhàr dà lơgar gơs tiah rơcang lài.

Ală tiah rơcang sơndră lài bơh xã, kơnhoàl bơh bàr càr Gia Lai mờ Kon Tum geh tơnguh kơl jăp tàm tơngu me broă ai ală công ty, ală mpồl lơh sa, lơh gơs ală [òn, xã tam lơh.

-Bè hơ\, broă gùt làng bol rơcang sơndră lài neh geh Binh đoàn sền kuơ lơh bè lơi ơ Đại tá?

Đại tá Lê Xuân Phương: Tàm broă lơh jăt kơnòl bơh bol a` dê, neh rơcang lài ai geh nùs nhơm làng bol. Tài bơta tòm bơh broă tam lơh làng bol hơ\ là broă lơh tàm nùs nhơm làng bol.

Ală tiah lơh sa pơgồp bal mờ ală [òn, kuơ màng lơh jăt nền nòn ală gùng dà broă lơh bơh Binh đoàn dê geh sùm bơh ngai crơng gơs hơ\ là: Binh đoàn pơgồp bal mờ càr, kơnhoàl, công ty pơgồp bal mờ kơnhoàl, xã, mpồl lơh broă sa pơgồp bal mờ [òn lơgar.

Mờ tơnơ\ mờ hơ\, bol a` tơnguh bơtàu broă lơh pa, hơ\ là hìu lơh broă cau yoan pơgồp bal mờ hìu làng bol kòn cau. Den tàng, tàm tơngu me bơta geh mờ bơta pràn bol a` ai lơh gơs mờ ai mpồl lơh broă sa pơgồp bal mờ [òn lơgar lơh gơs ală mpồl [òn, xã tam lơh, pơgồp bal tàm tiah rơcang sơndră lài gơs tiah jăt gah kơl jăp tàm nhàr dà lơgar. Lơh geh cồng nha do den Binh đoàn 15 bol a` mìng là dùl bơnah tàm broă bal mờ xã kờ` bơ\t bơtàu tiah rơcang sơndră lài.

Broă pơgồp bal bơh ală mpồl ling tàm tiah nhàr dà lơgar, ală mpồl lơh broă geh anih ơm tàm tiah nhàr dà lơgar tàm gơnoar tòm kờ` he geh pơgồp bal lơh mờ gơnoar pơlam cấp uỷ Đảng, gơnoar atbồ xã lơh jăk Nghị quyết sồ 28 bơh Bộ Chính trị bè tàm ală jơnau yal tơn jơh Quân uỷ Dà lơgar, Bộ Quốc phòng ngai 19 nhaio 3 nam 2019, tàm pơrjum tơn jơh neh đơs loh làng ngan.

-Ơi, dan ưn ngài Đại tá!

Cau mblàng Lơ Mu K’Yến