VOV4.K’Ho- Yal yau “Ùr Ara dà” lơgar Nhờk dê yal bè ara dà tài bơh kờñ tơm wơl bơta nđàc cau lòt ting dê neh tơngklàs den tàng neh tam gơl să gơ gơs dồ nă ùr ơruh dờp ùr bơklau cau ting rƀah lơh mè bèp ròng, jơh dồ rài kis ròng siam sền gàr khi. Mơya rài kis ờ gŏ di bè jơnau he kơ̆p kờñ ờ, ùr bơklau kra roh bơta dòn kơnờm uă ir tài bơh uă ir jơnau đơs ờ niam bè ùr Ara dà, den tàng neh lơh roh tĕ tŭ bơtuah bơsram tàp gơgơs kòn bơnus bơh ara dà dê, khai pal rê wơl mờ să jañ bơh sơnrờp, par roh thĭt tĕ tàm dồ mang klam jơngo cik. Yal yau kung kờñ pơyua jơnau đơs, tàm rài kis neh là kòn bơnus bal mờ gơ̆p kờñ pal ơm kis lơh lòt niam, ờ gŏ di tài bơh ờ dòn tàm nùs nhơm niam bơh cau ndai dê.