Đơs tàm pơrjum, Thủ tướng ồng Phạm Minh Chính đơs sùm, bơtàu tơngguh lơh sa mờ măy mŏk ƀán zẫn là săc rwah jŏ jòng bơh lơgar he dê. Nàng bơtàu tơngguh gah lơh sa mờ măy mŏk ƀán zẫn, lơgar Việt Nam kờñ dùl broă rơndăp lơh tơl làm, geh bal ală broă dong kờl ai lài krơi is, bơto bơtê mpồl cau lơh broă jak, bơ̆t bơtàu phan bơna măy mŏk pa mờ tơngguh kơlôi sơnơng mờ bơtàu tơngguh.

Bè kơnòl broă, broă lơh tờm tàm tơngai tus, Thủ tướng Cíñ phủ sồr mhar lơh, lơh sir, adăt boh lam, broă dong kờl krơi is, ai lài bè bơto bơtê mpồl cau lơh broă drơng lơh sa mờ măy mŏk ƀán zẫn; bơcri priă ai phan bơna bơto bơtê mpồl cau lơh broă ƀán zẫn in; bơto bơtê mpồl cau pơgru, cau pơgru bơto kâp dờng mờ sră bơto bơtê dipal; geh gùng dà bơtàu tơngguh mpồl cau lơh broă lơh sa mờ măy mŏk ƀán zẫn tàm pơdờn mờ tam gơl pràn jơh bal tềng đăp măt mờ jŏ jòng.