VOV4.K’ho - Dờp jơnau jà bơh Ngoại trưởng lơgar Mỹ, ồng Mike Pompeo, Phó Thủ tướng, Bộ trưởng Ngoại giao, ồng Phạm Bình Minh lòt còp ngan ngồn lơgar Mỹ tàm 2 ngai do. 2 gah neh cribơyai ală bơta tàm ală lơgar rềp bal mờ tàm dunia mờ 2 lơgar sền gròi bal.

Phó Thủ tướng, ồng Phạm Bình Minh đơs niam gơnoar broă bơh lơgar Mỹ dê tàm broă lơh bal jơnau bơceh pa tiah đah jum dà dờng Mekong (LMI). Phó Thủ tướng sồr lơgar Mỹ sơlơ pơgồp bal tàm ală mpồl uă lơgar mờ tàm tiah do, ngan là tàm Hội đồng Bảo an Liên Hợp Quốc  mờ tàm nam Việt Nam lơh Chủ tịch ASEAN nam 2020.

Bè bơta dà lềng đah mattơngai lik, 2 gah đơs tờm wơl jơnau kờn bè broă bơsong ală tam pìt tam phà tàm dà lềng đah Mattơngai lik mờ ală broă lơh ring lơngai, di mờ adat boh lam dunia, tàm hơ\ geh Công ước Liên Hợp Quốc adat dà lềng nam 1982 (UNCLOS); sền dờng màng tơl làm ală gùng dà broă lơh cribơyai mờ lơgar ndai mờ adat boh lam, lơh jat geh cồng nha mờ tơl làm jơnau yal bơr Boh bơr bơh ală lơgar dê tàm dà lềng đah mattơngai lik (DOC) mờ gờ` ki\ ală bơta pal jat bè boh bơr tàm dà lềng đah mattơngai lik (COC).

Đah lơgar Mỹ đơs tờm, geh pơn jat tai geh gơnoar broă uă tàm tiah Ấn Độ-Thái Bình Dương kờ` sền gàr bơta ờ do ờ dă jat adat boh lam dunia, sơlơ chul chồl ring lơngai, kơ\ kơljap, lơh broă bal mờ bơtàu tơnguh tàm tiah kuơ màng do.

Cau mblàng K’Duẩn