VOV4.K’ho- Drim òr 6/6, tàm pơrjum dơ\ 7 Quốc hội khoá 14, ồng Phạm Bình Minh, Phó Thủ tướng mơkung là Bộ trưởng Bộ Ngoại giao ala mat Chính phủ yal bè broă lơh sa- mpồl bơtiàn 5 nhai bồ nam do mờ yal lơh loh bàr pe broă mờ kuang bàng Quốc hội bal mờ cau te\ khà gùt lơgar sền gròi mờ lùp.

Jat ồng Phạm Bình Minh đơs, kơnờm bơta lơh bal krà` cê jơh nùs bơh jơh bal ală anih lơh broă chính trị, mpồl bơtiàn ală mpồl lơh sa kă bro mờ làng bol gùt lơgar dê, den tàng broă lơh sa- mpồl bơtiàn nhai 5 pơn jat tai jat gùng dà niam ngan. Gah lơh broă sa sươn sre bơtàu tơnguh kơ\ kơl jăp.

Ồng Phạm Bình Minh, Phó Thủ tướng mơkung là Bộ trưởng Bộ Ngoại giao 

Bè kơnòl broă tàm tơngai tus, Chính phủ geh tơrgùm đơng lam ală bộ, gah, sơnah lơh broă dà lơgar bal mờ ală tiah jat sền ngan ngồn, rcăng lài sơndră wơl mờ bơta gơlik geh kal ke broă tàm dunia mờ tàm lơgar; pơn jat tai lam lơh jat krà` cê jơh nùs, dùl ròt bal ală kơnòl broă, gùng dà broă lơh neh sồr lơh tàm ală gah broă; lơh ngan pơđơl pràn uă ngan rlau jơh bal mờ gùt Đảng, gùt làng bol, gùt ling klàng lơh ngan jơh nùs mu\t lơh jai pha ală jơnau kờ`, broă sồr lơh tàm broă rơndăp lơh nam 2019 jat Jơnau đơs pơndu\t bơh Dà lơgar mờ Kơrnoat bơh Quốc hội dê.

Cau mblàng Lơ Mu K’Yến