Mìng tơnơ̆ ờ hềt tơl 10 nam, bă ù tam sầu riêng jơh gùt lơgar dê neh gơguh rlau 6 dơ̆, lơh geh mờr 180 rơbô lồ tàm nam 2024, khà lơh geh sơr lèt 1 tơlak 500 rơbô tấn, priă lơh geh tăc sầu riêng mờ lơgar ndai rlau 3 tơmàn dolar Mỹ; tă pơgồp kwơ màng tàm broă jàu gơguh lơh sa tàm tiah lơh broă sa suơn sre, phan brê mờ phan tàm dà kung bè broă jàu tăc phan mờ lơgar ndai bơh gah do dê.

Mơya, gơguh “uă ir” neh tơngŏ uă bơta ờ niam tŭ 4 nhai bồ nam 2025, tăc sầu riêng mờ lơgar ndai gơmù uă bè broă mờ bơta kwơ. Ƀộ trưởng ồng Đỗ Đức Duy tơngkah dilah ờ geh broă lơh atbồ krañ, Việt nam digơlan gơ ơm tàm gùt dar bơta ờ niam; jơng kah khà lơh geh, roh giă, roh drà kă bro, gơrềng kơn jơ̆ ngan tus bơngă pin dờn phan lơh geh bơh suơn sre lơgar Việt Nam dê.