VOV4.K’ho – Tềng đap bơta gơlik geh kal ke bơh kòp jê ndul gơ jroh sur châu Phi dê gam bơ tờp uă tus ală tiah tàm gùt lơgar, mho òr (07/6), tàm hìu lơh broă Chính phủ, Phó Thủ tướng, ồng Vương Đình Huệ đơng lam dơ\ pơrjum mờ ală Bộ, gah lơh broă mờ ală càr tiah ring dà dờng Hồng bè broă rơndap lơh dong kờl priă jền bơh kes priă dà lơgar tàm broă bơsong kòp jê ndul gơ jroh sur châu Phi.

Đơs pơn dut dơ\ pơrjum, Phó Thủ tướng ring bal mờ rơndap cih bơh Bộ Nông nghiệp mờ Phát triển nông thôn dê, jat hơ\, ring bal dan mờ Chính phủ, Thủ tướng Chính Phủ tàm broă dong kờl phan ròng gơtìp tơp pơrguc jat khà % priă tac. Phó Thủ tướng sồr rơndap cih Nghị quyết jàu ală kơnòl mùl màl ai tơl Bộ in nàng bơsong broă lơh, tàm hơ\ sồr Bộ  Tài chính lơh sră nggal ai lài mơ mờr 1 rbô 200 tơmàn priă ai ală tiah in dong kờl làng bol geh sur gơtìp kòp, jat nùs nhơm kơryan kòp bè tam dră mờ bol sò tơm bơh Thủ tướng Chính phủ dê.

Cau mblàng K’Duẩn