VOV4.K’ho - Đơs tàm dơ\ pơn du\t tơnơ\ 2 ngai nggùl lùp mờ hơ jơnau lùp, Chủ tịch Quốc hội mò Nguyễn Thị Kim Ngân đơs loh: Quốc hội neh lơh gơs dơ\ lùp mờ hơ jơnau lùp tàm pơrjum dơ\ 7 gơwèt mờ 4 mpồl broă gơwèt kơnòl tòm bơh 4 nă Bộ trưởng: Bộ trưởng kuang àng ồng Tô Lâm, Bộ trưởng Bộ Xây dựng ồng Phạm Hồng Hà, Bộ trưởng Bộ Giao thông Vận tải ồng Nguyễn Văn Thể mờ Bộ trưởng Bộ Văn hoá, Thể thao mờ Du lịch ồng Nguyễn Ngọc Thiện.

Cồng nha lùp mờ hơ jơnau lùp pà go\ tàm pơrjum do ală tơngu me lùp mờ hơ jơnau lùp di mờ ală broă tàm rài kis lơh sa mpồl bơtiàn mờ làng bol, cau te\ khà gùt lơgar bal mờ ală kuang bàng sền gròi.

Dơ\ lùp mờ hơ jơnau lùp geh bơyai lơh tàm nùs nhơm lơh tòm, song dơ pă, geh kơnòl mờ bơ\t bơtàu. Ală kuang bàng ai jơnau lùp ờ jòng, tơrgùm tàm ală broă geh sền gròi, mờ song dơ pă ai go\ ală broă lơh gam ờ pràn mờ kơ\p kờ` chính phủ, ală bộ, gah lơh broă pơn jăt tai geh ală broă lơh di tu\ lơh niam wơl.

Chủ tịch Quốc hội mò Nguyễn Thị Kim Ngân đơs tòm, Ủy ban thường vụ Quốc hội geh nền nòn kơlôi sơnơng rơcang Nghị quyết mờ yal Quốc hội sền ring bal tàm lồi pơrjum do.

Cau mblàng Ndong Brawl