VOV4.K’ho- Drim òr (20/5), tàm hìu lơh broă Quốc hội geh lơh dơ\ sơn đờm mut pơrjum dơ\ 7, Quốc hội khoá XIV. Đơs tàm dơ\ sơn đờm mut pơrjum, Chủ tịch Quốc hội mò Nguyễn Thị Kim Ngân đơs ngan, nam 2019 là nam geh pơrya kuơ màng tàm broă lơh jat jai pha ală jơnau kờ` bơh Broă rơndap lơh bơtàu tơnguh lơh sa - mpồl bơtìan 5 nam bơh nam 2016- 2020.

         Chủ tịch Quốc hội mò Nguyễn Thị Kim Ngân đơs tàm Sơn đòm pơrjum dơ\ 7 Quốc hội khoă XIV

Chủ tịch Quốc hội mò Nguyễn Thị Kim Ngân đơs là kơnòl broă ai tơlik là kơn jơ\ kơn ju\t ngan, pal geh jơh bal dùl ròt ală mpồl lơh broă Chính trị, gùt làng bol, gùt ling klàng, bal mờ mpồl bơtìan, mpồl lơh sa kă bro pal lơh ngan pơn đơl pràn uă ngan rlau jơh, tơnguh uă nùs nhơm tam klăc bal, lơh krơh niam tàm broă lơh jat gơnoar broă, kơnòl broă, lơh jơnau đơs gơ gơs broă lơh, lơh kal ke, pơrlòng gơ gơs tu\ tơngai niam nàng bơtàu tơnguh ală broă lơh lơh sa- mpồl bơtìan geh ai tàm nam 2019.

                              Sơn đòm pơrjum dơ\ 7 Quốc hội khoă XIV

Chủ tịch Quốc hội sồr:  nàng pơrjum lơh geh cồng nha niam ngan rlau jơh, ală kuang bàng Quốc hội pơn jat tai lơh jat nùs nhơm tam gơl pa, bơceh pa, lời tu\ jiơ kơlôi sơnơng nền nòn ală sră nggal, tơrgùm jơnau đơs, tơngo\ nùs nhơm loh làng bè tơl tơngume, ngan là gơ wèt mờ ală broă gam geh jơnau đơs krơi is, lơh geh bơta ring bal uă ngan rlau jơh nàng Quốc hội in geh ală gùng dà broă lơh nền, di pal, di mờ nùs nhơm làng bol dê.

Tàm dơ\ sơn đờm pơrjum dơ\ 7, Quốc hội khoă 14 drim òr (19/5), Phó Thủ tướng Thường trực Chính phủ ồng Trương Hoà Bình yal loh 7 kơnòl, broă lơh tàm broă đơng lam, lam sồr Chính phủ bơh tu\ do tus jơh nam 2019.

Jăt mờ hơ\, Chính phủ lơh ngan lơh jăt broă tơnguh broă lơh sa dờng, gàr niam ală broă ndrờm bal dờng bơh broă lơh sa, chồl broă tơnguh lơh sa; lơh jăt nền nòn broă lơh sa pơgồp bal mờ broă tam gơl broă tơnguh lơh sa, tơnguh cồng nha, bơta niam, cồng nha bal mờ bơta pràn tàm pơrlòng; sền kuơ broă tơnguh bơtàu bơta chài rơgơi, mpồl bơtiàn, tơnguh uă rài kis phan bơna, nùs nhơm làng bol; tơnguh broă atbồ phan geh is, gàr niam tiah kis, sơndră mờ rềs àr bơh trồ tiah, sơndră mờ tam gơl trồ tiah; chồl pràn broă lơh niam sră nggal, lùp sền, bơsong jơnau yal yă yal khài; tơnguh broă sơndră mờ sa kuề sa koà, hoàc huơr; tơngujh broă sền gàr bơta lơngăp lơngai dà lơgar mờ tơnguh cồng nha broă lơh bal mờ lơgar ndai mờ tơrgùm mờ dunia; rơcang chồl pràn yal mờ mblàng, tơnguh broă pơgồp bal bơh Chính phủ mờ ală anih lơh broă Đảng, Dà lơgar, Mặt trận dà lơgar Việt Nam bal m ală mpồl lơh broă.

Cau mblàng K’ Hạnh