VOV4.K’ho – Dờp jơnau jà bơh Chủ tịch Quốc hội, mò Nguyễn Thị Kim Ngân dê, Mpồl kuang bàng dờng màng lơgar Campuchia còp ngan ngồn lơgar Việt Nam bơh ngai 28 tus ngai 30 nhai 5.

Mho òr (28/5), tàm hìu lơh broă Quốc hội, neh geh lơh dơ\ wă rò ngan ngồn. Tơnơ\ dơ\ rò, 2 Chủ tịch Quốc hội neh bơyai lơh cribơyai broă.

Tàm dơ\ cribơyai, 2 nă kuang đơng lam bồ ring bal nùs nhơm kờ` pal sơlơ chồl pràn lơh broă bal tàm gah lơh sa, kă bro mờ bơcri priă, ngan là wèt tus priă lơh geh 5 tơmàn dolar Mỹ tàm nam 2020; geh broă lơh pơn jờng, ai geh bơta [uơn ai ală broă lơh bơcri priă, kă bro bơh mpồl lơh sa kă bro Việt Nam dê tàm lơgar Campuchia mờ mpồl lơh sa kă bro lơgar Campuchia tàm lơgar Việt Nam; pơn jat tai bơtàu tơnguh ală cồng nha neh lơh geh nàng sơlơ chồl pràn git gơp lơh broă bal tàm ală gah broă lơh, cèng wơl cồng nha ngan ngồn, tài bơta kuơ bơh làng bol 2 lơgar dê.

2 nă kuang đơng lam bồ kung ring bal, ală Ủy ban lơh broă mờng chài bơh 2 Quốc hội dê sơlơ chồl pràn lơh broă bal, ngan là tàm gah bơto bơtê, bơto pơlam kuang bàng mờ công nghệ thông tin.

Cau mblàng K’Duẩn