VOV4.K’ho – Mang òr (27/5), tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân wă lùp còp Bộ trưởng Bộ Quốc phòng lơgar Lo, ồng Ngụy Phượng Hoà.

Chủ tịch Quốc hội đơs là, Việt Nam sùm sền dờng màng bơtàu tơnguh, git gơp lơh bơyô ờs mờng, lơh broă bal kuơmàng tơl làm đah Việt Nam mờ Lo, sền do là gùng dà broă lơh ờ tam gơl, là broă lơh lài ngan tàm broă lơh cribơyai mờ lơgar ndai bơh lơgar Việt Nam dê.

2 gah ndrờm đơs tờm, 2 Đảng, 2 dà lơgar, 2 Bộ Quốc phòng pal lơh ngan pơgồp bal, lơh jat niam jơnau git wă bal bơh Kuang đơng lam bồ dờng màng 2 lơgar dê nàng sơlơ bơtàu tơnguh git gơp lơh broă bal jat gùng dà broă lơh niam, tơrmù [à ală bơta ờ ring bal; lam lơh geh cồng nha mờ bơtàu tơnguh gơnoar broă bơh cơ chế lơh broă bal kuơ màng bè tìp mat lơh quèng sền gàr tiah nhàr dà lơgar Việt Nam mờ Lo, cribơyai broă rơndap lơh sền gàr dà lơgar.

Cau mblàng K’Duẩn