Jat tơrgùm kờp rơndăp broă lơh rơndăp tăp sèng bơh ală tiah dê, bơh tŭ do tus nam 2025, 50 kơnhoàl mờ rlau 1 rơbô 200 xã tàm gùt lơgar rơ̆p tơmut bal nàng kờñ tơrmù kwang bàng lơh sră nggal gơnoar atbồ, tơrmù priă tă kes priă Dà lơgar dê, tơnguh uă cồng nha atbồ mờ bơta niam drơng broă Dà lơgar. Tơnơ̆ tŭ rơndăp tăp sèng kờp dŭ ală mpồl lơh broă sră nggal gơnoar atbồ kấp kơnhoàl mờ kấp xã ndrờm gơmù. Ngan là kờp jơh khà mpồl lơh broă sră nggal gơnoar atbồ kấp kơnhoàl lơh jat broă rơndăp tăp sèng là 50 mpồl lơh broă, tơnơ̆ rơndăp tăp sèng gơmù 619 mpồl lơh broă. Mpồl lơh broă sră nggal gơnoar atbồ kấp xã lơh jat broă rơndăp tăp sèng là 1 rơbô 243 mpồl lơh broă, tơnơ̆ rơndăp tăp sèng gơmù 619 mpồl lơh broă.
Đơs pơndŭt pơrjum, Phó Thủ tướng Trần Lưu Quang đơs nền, rơndăp tăp sèng mpồl lơh broă sră nggal gơnoar atbồ kấp kơnhoàl, kấp xã tơngai bơh nam 2023-2030 là dùl gùng dà broă lơh dờng bơh Đảng, Dà lơgar dê, mơkung jờng rơ uă ngan bơta pơnđơl pràn lơh ngan bơh ală ƀộ, ngàñ, ală tiah dê tàm broă lơh jat lơh sir pơgap 60% mpồl broă lơh.
Viết bình luận