Nhai dong kờl kòn bơnus nam do geh bơyai lơh bơh ngai 1 tus ngai 31 nhai 5, uă ngan bơh ngai 8 tus ngai 19 nhai 05 mờ geh lam lơh tàm jơh gùt càr, pơn đơl pràn lơh ngan dong kờl geh ết ngan rlau jơh 1 rơbô anih dong kờl kòn bơnus.

Mò Ayun H’Hương, Củ tịc Hội Cữ thập đỏ càr Dăk Lăk pà gĭt, mờ tơngume “Gùng lòt dong kờl kòn bơnus- jàu dờp bơta kờñ gơboh”, Nhai dong kờl kòn bơnus wèt tus dùl broă lơh bơh nùs nhơm kờñ gơboh kòn bơnus mờ tàm hơ̆ tơl nă cau ndrờm gơtùi tus bal tă pơgồp bal, tam klăc bal, tă pơgồp bal dà kơl hề nàng tam pà bal, jàu tĕ nùs nhơm, bơta kờñ gơboh, rcang lài dong kờl ală rài kis kal ke, lơh uă rlau tai ală broă lơh niam, pơgồp bơnah bơt bơtàu dùl mpồl bơtiàn tam klăc bal, bềng nùs nhơm dong kờl kòn bơnus.