Tàm dơ̆ wă, bàr gah ring bal là bơta git gơp đah 2 Đảng, 2 Dà lơgar tàm tơngai lài neh geh bơta bơtàu tơnguh niam ngan, ngan là tơnơ̆ ală dơ̆ lòt còp bal mờ gơp bơh bàr Tổng Ƀí thư dê. Thủ tướng ồng Phạm Minh Chính đơs nền, Đảng, Dà lơgar Việt Nam sùm sền bơtàu tơnguh bơta git gơp lơh bơyô mờ Lo là broă sac rơ wah kuơmàng, broă lơh lài ngan tàm jơh ală gùng dà lơh broă mờ lơgar ndai bơh Việt Nam dê. Thủ tướng sồr tơngai tus, 2 gah pal pơn jat tai sơlơ tơnguh ală dơ̆ tìp mat kwang bàng kâp dờng mờ ală kâp, lơh geh gùng dà broă lơh tìp mat lơh kwèng, lơh broă bal; sơlơ tơnguh tai tàm tơrbŏ bal jŏ jòng, lơh gơlik bơta gơn kơnờm gơguh lơh sa pa ai lơh broă bal đah 2 lơgar.

Phó Kwang atbồ Quôk hội lơgar Lo ồng Trương Khánh Vĩ đơs nền, Lo sền dờng màng bơtàu tơnguh bơta git gơp mờ Việt Nam, sền do là gùng dà lài ngan tàm jơh ală gùng dà lơh broă mờ lơgar rềp bal bơh Lo dê tàm broă sơlơ tơnguh tai lơgar lơh broă bal jŏ jòng tơl làm, mpồl bơtiàn tam pà bal tơnơ̆ do đah Việt Nam mờ Lo, geh gơtha kuơmàng ngai sơlơ bơtàu tơnguh jrô ơnàng, ngan ngồn rlau tàm tơngai tus.