65 nam do, ală cồng nha lơh geh bè Khoa họk mờ kông nghệ mờ tam gơl pa bơceh lơh neh lời wơl ală bơta tềl lời wơl kah yau tàm uă gah, gah broă lơh tờm bơh Dà lơgar dê, gơ gơs bơnàng jă, bơta gơn kơnờm ai bơta bơtàu tơnguh kơ̆ kơl jăp Dà lơgar dê.

Đơs tàm dơ̆ bơyai lơh, Thủ tướng ồng Phạm Minh Chính jờng rơ uă ngan mờ jơh nùs gờm chờ ală cau bơceh lơh, ală cau jak chài geh jàu pà Khà jờng nam do; mơkung cih dờp mờ jờng rơ bơta pơn đơl pràn lơh ngan, cồng nha neh lơh geh mờ ală tă pơgồp bơh mpồl ală cau jak chài đơs is mờ gah Khoa họk mờ Kông nghệ đơs bal ai Dà lơgar in. Thủ tướng kơ̆p kờñ là, nùs nhơm kờñ do kơlôi sơnơng, lơh ngan tài bơh Khoa họk mờ Kông nghệ bơh ală rơnàng lòt lài dê pơn jat tai geh lơh gơ rề uă, lơh jat pràn tàm rơnàng kơnòm să, ngan là mpồl cau jak chài tŭ do mờ rài tơnơ̆ do.